Turkiyaning Istanbul shahrida bir ayol bolalarini yonayotgan kvartiraning derazasidan uloqtirib, ularning hayotini saqlab qoldi. Bu haqda «Daily Sabah» gazetasi xabar berdi, deb yozmoqda "Xabar.uz" nashri.

Hodisa 24-fevral kuni Esenler tumanida sodir bo‘ldi. Ko‘p qavatli uyning uchinchi qavatida yong‘in kelib chiqqan. Videodagi kadrlarda ona to‘rtta bolasini derazadan birin-ketin uloqtirayotgani, ko‘ngillilar guruhi choyshabni cho‘zib, ularni birma-bir ushlab olayotgani tasvirlangan. Rasmiylarning ma’lum qilishicha, bolalar jarohat olishmagan.

Qo‘shnilaridan birining aytishicha, dastlab kvartiradan qora tutun chiqa boshlagan.

Реклама на Unews

«So‘ngra derazadan bolalarning qichqirig‘i eshitildi, — deb eslaydi guvoh. — Biz choyshabni cho‘zdik. Ayol bolalarni pastga uloqtira boshladi. Choyshab yordamida to‘rtalasini ham ushlab oldik».

Keyinchalik o‘t o‘chiruvchilar yong‘inni bartaraf etishdi. Yong‘in sababi o‘rganilmoqda.