Serbiya poytaxti Belgrad shahrida boks boʻyicha Jahon chempionatining chorak final bahslari boʻlib oʻtmoqda.
Unda Abdumalik Xalakov (-60 kg) oʻzbek bokschilari orasida birinchi boʻlib yarim final yoʻllanmasini qoʻlga kiritdi.
Chorak finalda Xalakov rossiyalik Vsevolod Shumkovga qarshi bahs olib bordi. Xalakov raqibi ustidan 5:0 hisobida gʻalaba qozondi.
Final yoʻllanmasi uchun kechadigan jangda Abdumalik Eron va Litva vakillari oʻrtasidagi bahs gʻolibi bilan bellashadi.
Biroz avval Nodirjon Mirzahmedov (-48 kg) JCH chorak finalida qozogʻistonlik Temirtas Jusupov bokschiga qarshi jang oʻtkazib, imkoniyatni boy berib qoʻydi.