Tojikistonda 18 yoshdan oshganlarni koronavirusga qarshi majburiy emlash joriy etildi
Tojikistonda yangi COVID-19 infeksiyasining tarqalishining oldini olish bo`yicha epidemiyaga qarshi choralarni kuchaytirish bo`yicha respublika shtabi mamlakatning 18 yoshdan katta aholisi uchun koronavirusga qarshi majburiy emlashni e`lon qildi. Bu haqda "RBK" yozmoqda.
"Shtabning qaroriga binoan, koronavirusga qarshi emlash 18 yoshdan oshgan fuqarolar uchun majburiydir", deyiladi xabarda.
Shtab vaksinasiya bepul amalga oshirilishini ta`kidladi. Emlanmagan fuqarolar tibbiy yordamni oilaviy shifokor yoki mahalliy tibbiy muassasadan olishlari kerak.
Реклама на Unews
Shuningdek, ular boshqa mamlakatlarga sayohat qilganidan keyin Tojikiston hududiga kiruvchi fuqarolarga PSR tekshiruvi mavjudligidan qat`iy nazar, COVID-19 diagnostikasini o`tkazish va o`n kun davomida o`zini izolyasiya qilish rejimida bo`lish tavsiya etiladi.
Bundan tashqari, koronavirus tarqalish xavfi yuqori bo`lganligi sababli, rasmiylar aholiga to`y va bayramlarni eng kam ishtirokchilar bilan o`tkazishni tavsiya qildilar.
Eng qaynoq xabarlar bilan TELEGRAM kanalda birinchilarda xabardor bo'ling.
