«COVID-19»ning og‘ir shakli: organizmga nima yetishmasligi aniqlandi
Извините, на данном статье не имеет русская версия! Перейти на главной странице
Fransuz olimlari koronavirusning og‘ir shaklidan qiynalayotgan bemorlarga xos umumiy alomatni aniqlashdi, deb xabar berdi «RIA Novosti». Tadqiqot natijalari «Science» jurnalida yoritildi, deb yozmoqda "Zamin.uz" nashri.
Olimlar tadqiqot davomida kasalligi turli simptomlar (yengil yo‘taldan tortib nafas yetishmasligigacha) bilan kechayotgan, o‘pkani sun’iy ventilyatsiyalash qurilmasiga ulab qo‘yilgan 50 nafar bemorni o‘rganishdi. Bemorlardan olingan biomateriallar tekshirilishi asnosida kasalligi og‘ir kechayotganlarga xos umumiylik topildi — ularning barchasida interferon tanqisligi yuzaga kelgan hamda kuchli yallig‘lanish kuzatilgan.
Xususan, og‘ir kasallarda organizm virusga qarshi kurashishda ishlab chiqarishi lozim bo‘lgan I toifali interferon yetishmasligi qayd etilgan. Uning ishlab chiqarilishi koronavirus infeksiyasi rivojlanishini sekinlashtiradi.
Shu tariqa fransuz olimlari kasallar tuzalishida interferon hal qiluvchi rol o‘ynaydi degan xulosaga kelishdi.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Самый горячие новости на нашем ТЕЛЕГРАМ канале.
