Bugundan yuridik texnikumlarga qabul boshlanadi

1335 01-08-2022 0 У нас

Извините, на данном статье не имеет русская версия! Перейти на главной странице

Xabaringiz bor, respublikamizda 14 ta yuridik texnikum tashkil etilgan.

Ularda quyidagi mutaxassisliklar bo`yicha kadrlar tayyorlanadi:

- davlat huquqiy faoliyat;

- yuridik xizmat;

- sud-huquqiy faoliyat.

Yuridik texnikumlarga umumiy o`rta ta`lim (11-sinfni) yoki o`rta maxsus, kasb-hunar ta`limi muassasasini bitirganlar hujjat topshirishi mumkin.

O`qishga kirish uchun hujjatlar Yagona interaktiv davlat xizmatlari portali (my.gov.uz) yoki Davlat test markazining rasmiy veb-sayti (my.dtm.uz) orqali onlayn qabul qilinadi.

Hujjatlarni qabul qilish joriy yil 1 avgustdan 20 avgustgacha (shu kuni ham) bo`lib o`tadi.

Yuridik texnikumlarga O`zbekiston fuqarolarini qabul qilish DTM tomonidan o`tkaziladigan test sinovlari orqali amalga oshiriladi.

Chet el fuqarolari yuridik texnikumlar tomonidan tashkil etiladigan suhbat natijasida qabul qilinadi.

Abiturientlar o`qishga davlat buyurtmasi, to`lov-kontrakt, shu jumladan, tabaqalashtirilgan to`lov-kontrakt asosida qabul qilinadi.

O`qish muddati 2 yilni tashkil etadi.