"Uzbekistan Airways" yo`lovchilar uchun yana bir xizmat turini taqdim etdi
2021 yil 1 martdan boshlab "Uzbekistan Airways" AJ yo`lovchilari yangi xizmat turi - aviakompaniyaning qatnovlariga onlayn ro`yxatdan o`tish imkoniyatidan foydalanishlari mumkin. Bu haqda kompaniya Axborot xizmati xabar berdi.
Ushbu xizmat yo`lovchilarga aeroportdagi ro`yxatdan o`tish punktida navbatda turmaslikka va samolyot bortida kerakli joyni tanlash imkoniyatini beradi.
Endi har kim uydan chiqmasdan vaqtini tejagan holda, aviakompaniyaning qatnovlariga ro`yxatdan o`tish xizmatidan foydalanishi hamda COVID-19 virusi tarqalishi sharoitida istalmagan aloqalarni kamaytirishi mumkin.
Eng qaynoq xabarlar bilan TELEGRAM kanalda birinchilarda xabardor bo'ling.
