Toshkentda ichimlik suvi tariflarini keskin oshirish taklif etilmoqda

2878 16-12-2020 1 O'zimizda

Toshkent shahar hokimining poytaxtda ichimlik suvi uchun tariflarni oshirishni nazarda tutuvchi Qarori muhokama uchun joylashtirildi. 

Unga ko`ra, “Toshkent shahar suv ta`minoti” MChJ 2019 yilda moliyaviy iqtisodiy faoliyatdan 58,8 mlrd.so`m, hamda 2020 yil 8 oyligida 21,3 mlrd.so`m zarar ko`rgan.

Jamiyatning moliyaviy ahvolidan kelib chiqib, jamiyat tomonidan taqdim qilinayotgan  ichimlik suvi va kanalizasiya xizmati uchun ishlab chiqilgan tariflarni qaytadan ko`rib chiqish uchun Ishchi guruh tuzilishi so`ralmoqda.

 Yangi taklif etilayotgan tariflarda quyidagi narx darajalarida belgilanmoqda.

1 metr kub ichimlik suvi uchun tariflar:

- aholi, byudjet va ulgurji iste`molchilar uchun (qo`shimcha qiymat solig`isiz) 310 so`mdan 500 so`mga (161,2%)ga

-tijorat tashkilotlari uchun 730 so`mdan 1500 so`mga (205,4%) ga o`sishi;

Hamda kanalizasiya xizmatlari uchun tariflar:

- aholi, byudjet va ulgurji iste`molchilar uchun (qo`shimcha qiymat solig`isiz) 250 so`mdan 350 so`mga (140,0%)ga

- tijorat tashkilotlari uchun 460 so`mdan 820 so`mga (178,2%) ga o`sishi kutilmoqda.

Shuningdek, qaror rejasiga ko`ra, yaqin yillar ichida “Toshkent suv ta`minoti” MChJi barcha suv inshootlarida, katta suv tarmoqlardagi xarakterli nuqtalarda, 3-chi bosqich nasos stansiyalari va tasarrufidagi xududlariga zamonaviy distansion boshqaruvdagi zulfin (zadvijka) va zatvorlar, bosim sozlovchi regulyatorlar, ignali klapanlar, vantuzlar o`rnatilishi mo`ljallanmoqda.  Mazkur loyixalar o`z navbatida ichimlik suv uzatilishini qisqarishiga hamda eletr energiyasi iste`molini  2020 yilda rejadagi 198 mln kVt ga kamayishiga olib keladi.   

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!