Россия Қозоғистондан тухум сўради
Россия томони Қозоғистон томонига ўз чакана савдо тармоқларига товуқ тухуми етказиб беришни кўпайтириш илтимоси билан мурожаат қилди. Бу ҳақда Қозоғистон ҳукумати матбуот хизмати хабар берди.
Қозоғистон ва Россия бош вазирлари ўринбосарлари Серик Жумангарин ва Алексей Оверчук ўзаро савдонинг долзарб масалаларини муҳокама қилдилар.
“Россия томони Қозоғистон томонига ўзларининг чакана савдо тармоқларига товуқ тухуми етказиб беришни кўпайтириш илтимоси билан мурожаат қилди. Серик Жумангарин Қишлоқ хўжалиги вазирлигига бу масалани тезроқ кўриб чиқиш ва Қозоғистон маҳсулотларини Россиянинг чегарадош вилоятларига етказиб беришни кўпайтириш имкониятларини топишни топширди. Озиқ-овқат хавфсизлиги масалаларида қарор қабул қилишда мослашувчанлик зарурлиги таъкидланган”, — дейилади хабарда.
Реклама на Unews
Ҳукумат Қозоғистон Республикаси паррандачилик фермаларини тухум билан таъминлаш даражаси 2022 йилда аҳоли эҳтиёжининг 102 фоизини ташкил этишига ишонтирди. 2023 йилнинг 11 ойи давомида Қозоғистон Россия, Афғонистон ва Қирғизистонга 186,6 миллион дона товуқ тухумини экспорт қилди.
Eng qaynoq xabarlar bilan TELEGRAM kanalda birinchilarda xabardor bo'ling.
