Qozog‘istonning yana ikki viloyatiga parranda grippi yetib bordi
Qozog‘istonning Aqto‘be va Qizilo‘rda viloyatlari shuningdek, Chimkent shahrida ham parranda grippi tarqalib, jonivorlar o‘la boshladi. Bungacha Oqmo‘la, Qorag‘anda, Kostanay, Pavlodar, Shimoliy-Qozog‘iston, Jambil va Turkiston viloyatlarida ushbu virus tarqala boshlagandi, deb yozmoqda "Qalampir.uz" nashri.
Bugun, 30 sentyabr kuni Favqulodda vaziyatlar vazirligida Bosh vazir o‘rinbosari Roman Sklyar boshchiligida parranda grippi bilan bog‘liq vaziyat bo‘yicha idoralararo komissiyaning yig‘ilishi o‘tkazildi.
Uchrashuvda yuqori patogenli parranda grippining manbasi borasida ma’lumot berildi. Milliy veterinariya markazi ma’lumotlariga ko‘ra, parranda grippi manbai va tashuvchisi shimoldan janubga ko‘chgan qushlar bo‘lgan. Bu o‘lgan parrandalarni o‘rganish natijasida aniqlangan.
Реклама на Unews
Roman Sklyar yig‘ilish yakunida davlat idoralariga parranda grippi keltiraishi mumkin bo‘lgan talafotlarni maksimal darajada kamaytirish uchun barcha choralarni ko‘rishga ko‘rsatma bergan.
Ma’lumot uchun, Qozog‘istonda parranda grippi sentyabr oyining o‘rtalaridan tarqala boshladi. Hozirgacha ushbu kasallikdan 200 mingdan ortiq parranda nobud bo‘lgan.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
