BMT: 130 davlatga haligacha vaksina yetib bormadi
2419 18-02-2021 0 DunyoBMT Bosh kotibi Antoniu Guterrish dunyoda koronavirus vaksinasining taqsimoti teng va adolatli emasligini tanqid qildi, deya xabar bermoqda Deutsche Welle, deb yozmoqda "Aniq.uz" nashri.
Guterrishning aytishicha, shu paytgacha ishlab chiqarilgan dozalarning 75 foizi atigi 10 ta mamlakatga yuborilgan, dunyoning 130 mamlakatiga esa hali vaksina umuman yetib borgani yo‘q. “Vaksina taqsimotida tenglikning ta’minlanishi xalqaro hamjamiyat oldidagi eng katta axloqiy imtihondir”, – dedi BMT rahbari.
Antoniu Guterrish rivojlangan davlatlarga murojaat qilib, global miqyosda vaksina kampaniyasi o‘tkazilishini so‘radi. Uning fikricha, G20 davlatlari bunday kampaniyani rejalashtirishi, amalga oshirishi va moliyalashtirishi mumkin, global vaksina strategiyasining ishlab chiqishi rivojlangan davlatlarning o‘zi uchun ham foydali bo‘ladi.
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.