Зинченко ҳаётида муҳим роль ўйнаган жамоадоши кимлигини айтди
“Арсенал” ҳимоячиси Александр Зинченко яқинда жароҳатидан фориғ бўлган бразилиялик жамоадоши Габриель Жезус ҳақида фикр билдирди.
“Мен Габриель учун жуда хурсандман, чунки уни кўпинча реабилитацияда кўрганман ва унинг жароҳатдан қутулиши учун қанчалик кўп меҳнат қилганини биламан. Эҳтимол, баъзи одамлар футболчилар жароҳат олса, шунчаки дам олади деб ўйлайди, лекин аслида жароҳат олган футболчилар қолганларга қараганда икки баробар кўпроқ меҳнат қилиши керак”, дейди украиналик футболчи.
Шунингдек, Зинченко Жезуснинг жуда меҳнаткаш футболчи эканликини таъкидлади.
Реклама на Unews
“У менинг ҳаётимдаги алоҳида ўринга эга инсон. Жезус ҳар куни ўз устингизда ишлашингиз, ҳаракатдан тўхтамаслигингиз ҳамда бошқалар билан яхши муносабатда бўлишингиз кераклигини кўрсатиб турувчи намунадир. У ҳар доим машғулот майдонида энг яхшиларидан бўлган. “Ман Сити”да ҳам “Арсенал”да ҳам”, дея қўшимча қилди украиналик футболчи.
Зинченко ва Жезус ўтган ёзда “Манчестер Сити” клубидан “Арсенал”га ўтган эди. Жорий мавсум украиналик футболчи АПЛда 24 та ўйинда майдонга тушиб, 1 та гол ва голли узатма муаллифига айланди.
Eng qaynoq xabarlar bilan TELEGRAM kanalda birinchilarda xabardor bo'ling.
