Turkiyadagi zilzilada qancha xorijlik qurbon bo`lgani ochiqlandi

1260 13-03-2023 0 Dunyo

Qahramanmarashda boshlangan dahshatli zilzila oqibatida 47 975 kishi halok bo`ldi. Bu haqda Turkiya Favqulodda vaziyatlar boshqarmasi (AFAD) rahbari Yunus Sezer ma`lum qildi, deya xabar berdi zamon.uz.

Yu.Sezerning so`zlariga ko`ra, Turkiya va qo`shni davlatlar, xususan, Suriyadagi zilzila qurbonlarining umumiy soni 47 975 nafarni tashkil qilgan. Ulardan 6278 nafari xorijliklar, asosan Suriya fuqarolari.

AFAD rahbarining ma`lum qilishicha, 3 mingdan ortiq qutqaruvchi tabiiy ofat hududlarida qolib, ishlarni davom ettirgan.

"Mintaqada zilzilalar hamon davom etmoqda. Shuning uchun qutqaruvchilar tayyor turishadi. U erda boshqa mamlakatlardan kelgan 300 ga yaqin qutqaruvchilar ham qoladi", — dedi Yu.Sezer.

6 fevral kuni episentri Qahramanmarashda bo`lgan Turkiyada magnitudadan ortiq ikkita zilzila qayd etildi. Yuzlab aftershok sodir bo`lgan zilzila mamlakatning 10 provinsiyasida va qo`shni mamlakatlarda, jumladan Suriyada ham sezilgan.

Vayronalar ostidan qidirishda 88 mamlakatdan 11 ming qutqaruvchi ishtirok etdi, ular orasida qozog`istonliklar ham bor.

Zilzila oqibatida Turkiyaga etkazilgan zarar 100 milliard dollardan oshishi mumkin. Bu haqda BMT Taraqqiyot dasturining Turkiyadagi vakili Luiza Vinton ma`lum qildi.

Mutaxassislarning fikricha, mintaqada yana olti oy davomida zilzilalar takrorlanadi. Turkiyadagi vayronkor zilzilalarni bashorat qilgan gollandiyalik tadqiqotchi Frank Xugerbits mart oyi boshida yangi falokatlar ehtimoli haqida ogohlantirdi.

7 mart kuni Xatay, Qahramanmarash va Kayseri provinsiyalarida uchtaa zilzila qayd etildi.