Sog`liqni saqlash vazirligi ogohlantiradi!
"Niqobsiz yurish — pandemiya yana avj olishiga sabab bo`lishi mumkin, deya ogohlantiradi O`zbekiston sog`liqni saqlash vazirligi.
"Dunyoda infeksiya tarqalishi hanuz xavfli darajada turgan bo`lsa-da, O`zbekistonda kasallik nisbatan jilovlandi, deya olamiz. So`nggi oylar mobaynida yurtimizda infeksiya tarqalishining biroz barqarorlashishi sababli koronavirusga moslashtirilgan 159 ta muassasadan 107 tasi o`z yo`nalishi bo`yicha odatiy faoliyatini boshlab yubordi, 23 tasi esa konservasiya qilindi.
Ammo bu "endi bizda koronavirus xavfi yo`q", deyishga asos bo`lmaydi. Ayni paytda yurtimizdagi COVID-19 shifoxonalarida kasallikni ayrim simptomlari mavjud bo`lib, gumon qilingan, pnevmoniyaga chalingan yoki unga ham gumon qilingan bemorlardan tashqari 2 ming nafardan ortiq koronavirusdan davolanayotganlarni ham unutmasligimiz kerak", deyiladi vazirlikning ogohlantirish xabarida.
Реклама на Unews
Shuningdek, hozirda koronavirus xavfi chekingani vajidan ko`chalarda niqobsiz, sanitariya-epidemiologiya talablariga rioya qilmay yurgan fuqarolar ko`p uchrayotgani qayd etildi. Vazirlik pandemiyaning mamlakatimizda yana avj olmasligi, eng avvalo, o`zimizga bog`liq ekanini eslatib o`tgan va barchadan koronavirus xavfining oldini olishda shaxsiy javobgarlik his qilishini, tibbiy niqoblardan sanitariya qoidalariga rioya qilgan holda foydalanishni bir zum ham unutmaslikni so`ragan.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Eng qaynoq xabarlar bilan TELEGRAM kanalda birinchilarda xabardor bo'ling.
albatta niqob taqishni unutmaslik kerak.