Shomurodov to‘p suradigan klub murabbiyi iste’foga chiqarildi
Italiyaning “Spetsiya” klubi Luka Gottini jamoa bosh murabbiyligidan ozod etilganini e’lon qildi. Bu haqda klub rasmiy sayti xabar berdi.
“Murabbiyga ko‘rsatgan xizmatlari uchun minnatdorlik bildiramiz va professional faoliyatida muvaffaqiyat tilaymiz”, deyiladi klub rasmiy xabarida.
Hozircha jamoa bosh murabbiyi sifatida Gotti o‘rniga kim kelishi ma’lum qilinmagan.
Реклама на Unews
Gotti “Spetsiya”da 2022 yilning iyulidan beri faoliyat yuritayotgandi. Uning qo‘l ostida jamoa 25 ta uchrashuv o‘tkazib, 6 marta g‘alaba qozongan, 7 marta durang o‘ynagan. 12 ta bahsda esa klub mag‘lub bo‘lgan.
Ma’lumot uchun, Eldor Shomurodov joriy yilning 30 yanvar kuni “Spetsiya” klubi futbolchisiga aylangandi. “Burgutlar” o‘zbekistonlik hujumchini “Roma”dan yarim mavsumga ijaraga oldi.
Italiya chempionatining 22-turidan so‘ng “Spetsiya” 19 ochko jamg‘arib, 17-o‘rindan joy olgan.
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
