Samarqanddagi qurib bitkazilmagan uyda 20 ta gaz balloni portladi
Samarqand tumanidagi “Radjabamin” mahallasida qurib bitkazilmagan uyda sodir bo`lgan yong`in yuzasidan O`zbekiston Favqulodda vaziyatlar vazirligi rasmiy ma`lumot berdi. Bu ma`lumotni FVVning Axborot xizmati e`lon qildi:
Internet resurslaridagi manbalarning birida “Samarqand viloyati Samarqand tumanida qurilishi tugallanmagan xonadonlarning birida kuchli yong`in kelib chiqdi. Ma`lum bo`lishicha, u erda gaz to`ldirilgan 20 ta maishiy gaz balloni portlagan. Hodisada hech kim jabrlanmagan”ligi to`g`risida xabar tarqaldi.
Voqea tafsilotiga to`xtaladigan bo`lsak, 2021 yil 18 yanvar kuni kech soat 20:08 da viloyat FVB navbatchi dispetcherlik xizmatiga Samarqand tumani “Radjabamin” mahallasida hali qurib bitkazilmagan uyida yong`in sodir bo`layotganligi to`g`risida xabar kelib tushgan.
Реклама на Unews
Shunga ko`ra, viloyat Favqulodda vaziyatlar boshqarmasining 4 ta yong`in-qutqaruv ekipaji voqea joyiga soat 20:23.da etib borgan. Qutqaruvchilarning olib borgan sa`y-harakatlari natijasida yong`in soat 22:16da to`liq bartaraf etilgan. Yong`in natijasida xonadonning taxminan 50 kv.m maydoni hamda “Damas” rusumidagi engil avtomashinasi zararlangan.
Shuningdek, yong`inni o`chirish jarayonida qutqaruvchilar tomonidan mazkur xonadonning erto`lasida mavjud yong`indan zarar ko`rgan, taxminan 20 dona maishiy gaz balloni ehtiyotkorlik bilan olib chiqilib, xavfsizligi ta`minlangan.
Ayni vaqtda yong`inning kelib chiqish sabablari va zarar miqdori aniqlanmoqda.
Реклама на Unews
Hodisa oqibatida jabrlangan va halok bo`lganlar yo`q.
Holat yuzasidan dastlabki tergovoldi surishtiruv ishlari olib borilmoqda.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Eng qaynoq xabarlar bilan TELEGRAM kanalda birinchilarda xabardor bo'ling.
