Rossiya Markaziy banki pul operasiyalarini amalga oshirishning vaqtinchalik tartibini joriy qilmoqda
1738 09-03-2022 0 DunyoRossiya Markaziy Banki joriy yilning 9 martdan 9 sentyabriga qadar vaqtinchalik tartibni joriy qildi. Unga ko`ra, endi vaqtinchalik muddat davomida banklar fuqarolarga naqd valyuta pul sotmaydi. Biroq valyutani istalgan vaqtda va istalgan miqdorda rublga almashtirish mumkin bo`ladi.
"Barcha banklarning mijozlari, istisnosiz, o`zlarining xorijiy valyutadagi depozitlari yoki hisobvaraqlaridan mablag` olishlari mumkin.", — deya ta`kidlaydi Markaziy bank.
Boshqa valyutalar oldi-sotdisi bozor kursi bo`yicha amalga oshirilaveradi.
Реклама на Unews
Shu bilan birga, fuqarolar xorijiy valyutadagi depozitlarda yoki hisobvaraqlarda mablag`larini saqlashni davom ettirishlari mumkin.
"Barcha mablag`lar hisobvaraq yoki omonat ochilgan valyutada saqlanadi va hisobga olinadi. Omonat yoki hisobvaraqni qo`yish shartlari o`zgarmaydi. Omonat bo`yicha foizlar odatdagidek, omonat ochilgan valyutada hisoblab chiqiladi", -deb qayd etiladi.
Eng qaynoq xabarlar bilan TELEGRAM kanalda birinchilarda xabardor bo'ling.