Ronaldu ketma-ket beshinchi jahon chempionatida ishtirok etadi
“Manchester Yunayted” hujumchisi Krishtianu Ronaldu Portugaliya terma jamoasining Qatarda bo‘lib o‘tadigan jahon chempionati uchun qaydnomasiga kiritildi.
37 yoshli portugaliyalik uchun bu jahon chempionati faoliyatidagi beshinchisi bo‘lishi kerak. Shu tariqa, u meksikaliklar Antonio Karbaxal va Rafael Markes hamda beshta jahon chempionatida ishtirok etgan germaniyalik Lotar Mateysning yutug‘ini takrorlaydi.
Italiyalik darvozabon Jaynluiji Buffon ham beshta turnirga tashrif buyurgan, biroq ularning to‘rttasidagina maydonga tusha olgan.
Реклама на Unews
Krishtianu Ronaldu terma jamoa bilan jahon chempionatida hech qachon medal yutmagan.
Eng qaynoq xabarlar bilan TELEGRAM kanalda birinchilarda xabardor bo'ling.
