Реванш жанги бўйича музокаралар кетмоқда – Аҳмадалиев
Ўзбекистонлик профессионал боксчи, WBA ва IBF камарлари соҳиби Муроджон Аҳмадалиев 9 апрель куни АҚШнинг Сан-Антонио шаҳрида ўтказилган бокс кечасида филиппинлик тажрибали Марлон Тапалесга қарши ҳимоя жангида мағлубиятга учраганди. Боксчининг QALAMPIR.UZ'га маълум қилишича, тез орада реванш жанги қачон ўтказилиши аниқ бўлади.
“Худо хоҳласа реванш жанги бўлиши мумкин. Проумоутерларимиз Тапалесга қарши жанг бўйича иш бошлаган. Насиб қилса, реванш жангида камарларимни қайтариб оламан. Ҳозирча тўқнашувнинг вақти маълум эмас. Реванш жанги бўйича музокаралар кетмоқда”, дейди Муроджон Аҳмадалиев.
Маълумот учун, Аҳмадалиев профрингда умумий 12 та жанг ўтказиб, баҳсларнинг 11 тасида ғалабага эришган. У фақатгина охирги жангида Тапалесга имкониятни бой берди. Ўзбекистонлик боксчи профессионал боксдаги жангларининг 8 тасида рақибларини нокаутга учратган.
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
