Prezident Administratsiyasi sho’ba mudiri boshqa lavozimga tayinlandi
O‘zbekiston Respublikasi Sog‘liqni saqlash vazirining tegishli buyrug‘iga ko‘ra, vazirlik huzuridagi akademik V.Vohidov nomidagi respublika ixtisoslashtirilgan xirugiya ilmiy-amaliy tibbiyot markazining direktori lavozimiga Ismailov Saydimurad Ibragimovich tayinlandi. Bu haqda SSV matbuot xizmati xabar berdi, deb yozmoqda "Xabar.uz" nashri.
U 1962 yilda Toshkent shahrida tug‘ilgan, O‘rta Osiyo tibbiyot pediatriya (hozirgi Toshkent pediatriya tibbiyot) institutini hamda O‘zbekiston Respublikasi Prezidenti huzuridagi Davlat boshqaruvi akademiyasini tamomlagan.
Tibbiyot fanlari doktori, professor Saydimurad Ismailov ko‘p yillar davomida tibbiyot sohasida turli lavozimlarda faoliyat yuritgan. Jumladan, 17-sonli shahar klinik shifoxonasi bosh shifokori o‘rinbosari, Toshkent shahar Yakkasaroy tumani tibbiyot birlashmasi boshlig‘i, Sog‘liqni saqlash vazirligi Onalik va bolalikni muhofaza qilish bosh boshqarmasi boshlig‘i, O‘zbekiston Respublikasi Prezidentining Fan, ta’lim, sog‘liqni saqlash va sportni rivojlantirish masalalari xizmatining sog‘liqni saqlash va sportni rivojlantirish masalalari guruhi bosh konsultanti lavozimlarida ishlagan.
Реклама на Unews
Tayinlovdan avval esa O‘zbekiston Respublikasi Prezidenti Administratsiyasi Yoshlar, fan, ta’lim, sog‘liqni saqlash va sport masalalari bo‘linmasi sho‘’ba mudiri lavozimini egallab kelgan.
Bundan tashqari, ushbu tibbiyot muassasasida direktor lavozimida ishlab kelayotgan akademik Nazirov Feruz Gafurovich markaz direktorining maslahatchisi lavozimiga o‘tkazildi.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
