Oʻzbekistonda 1 oktyabrdan alkogol mahsulotlari narxi oshadi. Tegishli qaror Adliya vazirligi tomonidan davlat roʻyxatidan oʻtkazildi.

Hujjatga muvofiq, quyidagi narxlar belgilandi:

vinoning 1 litr tayyor mahsuloti uchun:

• ishlab chiqaruvchi korxonalarning eng kam ulgurji-sotish narxi – 9 400 soʻm (ilgari 8 600 soʻm);
• eng kam chakana narx – 11 200 soʻm (ilgari 10 200 soʻm).

konyakning 1 litr tayyor mahsuloti uchun:

• ishlab chiqaruvchi korxonalarning eng kam ulgurji-sotish narxi – 33 000 soʻm (ilgari 31 000 soʻm);
• eng kam chakana narx – 39 000 soʻm (ilgari 36 600 soʻm).

aroq va boshqa alkogolli mahsulotlarning 1 litr tayyor mahsuloti uchun:

• ishlab chiqaruvchi korxonalarning eng kam ulgurji-sotish narxi – 24 000 soʻm (ilgari 22 000 soʻm);
• eng kam chakana narx – 28 500 soʻm (ilgari 26 000 soʻm).

Mazkur qaror 2020 yil 1 oktyabrdan kuchga kiradi.