Orient Group kompaniyasi «O‘zbekistonlik» filmining yaratilishini qo‘llab-quvvatladi
Orient Group kompaniyasi ikkinchi «O‘zbekistonlik» filmiga homiylik qildi. Ushbu film Ilon Mask raketalarida sun’iy yo‘ldoshlarni uchiruvchi ExoLaunch kompaniyasining asoschisi, o‘zbekistonlik Dmitriy Bogdanov va Tesla kompaniyasi tahlilchisi Mushtariy Sharifovaga bag‘ishlangan.
Premera namoyishi 1 oktyabr kuni O‘zbekistonning Berlindagi elchixonasida «O‘zbekistonlik» xalqaro forumida bo‘lib o‘tdi. Ikki yuzga yaqin muvaffaqiyatli yurtdoshlarimiz, yevropalik diplomatlar, ishbilarmonlar, Yevropa ijodiy industriyasi vakillari filmning birinchi tomoshabinlariga aylanishdi.
Реклама на Unews
«Ikkinchi «O‘zbekistonlik» filmiga asos bo‘lgan taniqli o‘zbekistonliklarning hikoyalari har bir ishning, har bir insonning yo‘lida past-balandlik borligiga yorqin misoldir. Lekin bu insonlarni bir narsa birlashtiradi - o‘z ishiga ishonish va muammolarga qaramay muqarrar muvaffaqiyatga erishish. Kompaniyamiz aynan inson kapitalini rivojlantirish orqali mamlakatning e’tirofi va nufuzini oshirishga intiladi. Mamlakat – xalq, xalq esa eng oliy qadriyatdir. «O‘zbekistonlik»ning mazmun-mohiyati mana shu va shuning uchun Orient kompaniyasi ushbu loyihani chin dildan qo‘llab-quvvatlaydi”, — dedi tadbir haqida Orient Group bosh direktori Andrey Safronyuk.
Film qahramonlaridan biri toshkentlik Dmitriy Bogdanov 19 yoshida Berlinga ko‘chib o‘tgan va u yerda koinotga kichik sun’iy yo‘ldoshlarni uchirish bo‘yicha ko‘p millionli aylanmaga ega ExoLaunch kompaniyasini tashkillashtirgan. O‘zining butun faoliyati davomida ExoLaunch koinotga 231 ta sun’iy yo‘ldoshni yubordi, ular orbitaga turli xil yuklarni yetkazib berish uchun o‘zining orbital stullaridan foydalangan. Dmitriy Bogdanov asosiy orzusi sifatida Mars va Oyni o‘zlashtirish loyihalarida ishtirok etish va o‘z kompaniyasi tomonidan kosmosda DHL obro‘sini qozonish deb biladi.
Filmning yana bir qahramoni Mushtariy Sharifova navoiylik bo‘lib, 2015 yilda Germaniyadagi Yevropa amaliy fanlar universitetida biznes va menejment yo‘nalishida o‘qishni davom ettirish uchun O‘zbekistonni tark etgan. Uning eng katta maqsadi dunyodagi eng yirik kompaniyalardan biri Teslada ishlash edi. Buning uchun Mushtariy uzluksiz o‘z ustida ishlagan – o‘qishni davom ettirgan, shu bilan birga Adidas, Zalando va SAP’da noyob xalqaro tajribaga ega bo‘lgan. Bu sa’y-harakatlar besamar ketmadi – bugungi kunda hamyurtimiz Tesla’da tahlilchi bo‘lib faoliyat yuritadi, xalqaro moliyaviy operatsiyalarni amalga oshiradi, kompaniyaning yillik budjetini hisoblab chiqadi.
Реклама на Unews
2022 yil oxirigacha jahon poytaxtlaridan birida navbatdagi «O‘zbekistonlik» forumi bo‘lib o‘tadi va u yerda filmning uchinchi qismi taqdim etiladi. Ikkinchi seriyani My5 telekanalida, shuningdek, YouTube’da tomosha qilish mumkin.
Eng qaynoq xabarlar bilan TELEGRAM kanalda birinchilarda xabardor bo'ling.
