Месси “Интер Майами”га ўтгач, клубда нималар ўзгарди?
Аргентиналик ҳужумчи Лионель Месси АҚШнинг “Интер Майами” клуби билан шартнома имзолаганидан сўнг, жамоанинг Америка ва дунё футболидаги мавқейи сезиларли даражада кўтарилди.
Жумладан, “Интер Майами” Месси трансферини эълон қилиши биланоқ клубнинг Instagram саҳифасидаги обуначилар сони 900 мингдан 8 миллионга ошиб кетди. Маълумот учун, АҚШ клубларининг ҳеч бири бу қадар кўп обуначига эга эмас.
Шунингдек, аргентиналик ҳали клуб сафида дебют ўйинини ўтказмаган бўлишига қарамай, клуб стадионида ўтиши режалаштирилган учрашвлар учун кириш чипталарининг нархи кескин ошиб кетди. Трансфергача 31 доллар бўлган чипталарни эндиликда 152 долларга харид қилиш мумкин бўлади.
Реклама на Unews
ОАВда келтирилган маълумотларга кўра, Месси жамоа сафидаги илк ўйинини 21 июль куни Лига кубоги доирасида Мексиканинг “Крус Асуль” клубига қарши ўтказади. Мазкур ўйинга кириш чиптасининг нархи ўртача 1248 доллар этиб белгиланган. Бу нарх эса трансфергача атиги 120 долларни ташкил қилар эди.
Eng qaynoq xabarlar bilan TELEGRAM kanalda birinchilarda xabardor bo'ling.
