Криштиану Роналду Эронга борса 99 дарра урилиши мумкин
Саудия Арабистонининг "Ан-Наср" клубида тўп тепаётган португалиялик футболчи Криштиану Роналду Эрон қонунчилигини бузгани учун 99 дарра урилиши мумкин. Бу ҳақда "Kommersant.ru" хабар берди.
Маълум қилинишича, Криштиану Роналду 19 сентябрь куни жамоаси билан Эронга борди. У Осиё Чемпионлар Лигасидан ўрин олган "Персеполис"га қарши ўйиндан олдин Теҳронда мухлислар билан учрашди ва Фотима исмли ногирон рассом қизни қучоқлаб, ўпди.
Нашрнинг ёзишича, Эрон Жиноят Кодексига кўра, футболчининг қилмишини "турмушга чиқмаган шахс томонидан содир этилган зино" деб талқин қилиш мумкин. Аммо, Криштиану Роналдуга нисбатан расман иш очилгани йўқ.
Реклама на Unews
Шу билан бирга, Index.hr нашри манбасига кўра, футболчини жазолаш қарори сиртдан қабул қилинган ва келажакда Роналду Эронга қайтадиган бўлса, 99 дарра билан жазоланиши керак.
Eng qaynoq xabarlar bilan TELEGRAM kanalda birinchilarda xabardor bo'ling.
