Koronavirus bo`yicha savollarga javob beradigan Call-markaz faoliyati vaqtincha to`xtatilmoqda

2868 28-11-2020 0 O'zimizda

Yurtimizda koronavirus bilan bog`liq vaziyat murakkablashgan sharoitda aholining kasallik bilan bog`liq savollariga o`z vaqtida javob berish, tibbiy yo`l-yo`riq ko`rsatish tizimi yo`lga qo`yilgan edi. Bu tezda samara berib, aholidan kelayotgan murojaatlar oqimi bir tizimga tushishiga sabab bo`ldi, deb yozmoqda Sog`liqni saqlash vazirligi Jamoatchilik bilan aloqalar bo`limi.

So`nggi vaqtlarda uy sharoitida davolanayotgan bemorlarga hamda karantinga olingan shaxslarga tibbiy maslahat va axborot berish maqsadida tunu-kun uzluksiz faoliyat ko`rsatuvchi 1105 qisqa raqamli “Call-center”ga murojaatlarning keskin kamaygani kuzatildi.  

Ayni paytga kelib, koronavirus bilan bog`liq epidemiologik vaziyat biroz barqarorlashgani inobatga olinib, 1105 qisqa raqamli “Call-center” faoliyatini vaqtinchalik to`xtatish va uning vazifalarini 1003 – “Call-markaz”iga yuklatish belgilandi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!