Adliya vazirligi bo`lim boshlig`i Alibek Rahmetov Konstitusiyaga o`zgarish kiritish haqidagi qonunni ishlab chiqish zarurati nimada ekanligiga oydinlik kiritdi:
«Vazirlik tomonidan «Normativ-huquqiy hujjatlar to`g`risida»gi qonunning yangi tahriri ishlab chiqildi, Senat tomonidan ma`qullandi. Ushbu qonunda yillar davomida so`zga boy o`zbek tilida shakllanib kelayotgan, norma ijodkorligi faoliyatida juda muhim o`rin egallagan tushunchalarga aniqlik kiritildi.
Ular o`z mazmuniga mos ravishda bayon etildi. Xususan, «qonun» so`zi. Hozirgi amaldagi tahrirga ko`ra, «qonun» deyilganda, qonunchilik hujjatlari bilan bog`liq tushunmovchiliklar bo`lgan bo`lsa, endilikda «qonun — Konstitusiyadan keyin turuvchi hujjat» sifatida belgilandi.
Реклама на Unews
Qonun hujjati sifatida esa Konstitusiya, qonunlar va Oliy Majlis palatalari qarorlari ta`riflanadi.
Atamalarga oid o`zgartirishlar — fuqarolarning huquq va qonuniy manfaatlariga yoki tadbirkorlik faoliyatiga ta`sir qilmaydi».
