BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Karate WKF: jahon chempionati ishtirokchilari O`zbekistonga qaytib keldi

Xabar berganimizdek, o`tgan haftada BAAning Dubay shahrida karate WKF bo`yicha kattalar o`rtasida jahon chempionati bahslari bo`lib o`tdi. Unda dunyoning besh qit`asidagi 104ta davlatdan jami ming nafarga yaqin sportchi g`oliblik uchun bahs olib borishdi.

Quvonarlisi, ushbu jahon chempionatida vakillarimiz mustaqil O`zbekiston tarixida ilk marotaba sovrindorlar safidan joy oldi. Erkaklar o`rtasida -75 kg vazn toifasida tatamiga chiqqan milliy terma jamoamiz a`zosi, sport yakkakurashlari bo`yicha Respublika oliy sport mahorati maktabi sportchisi Dostonbek Otabolaev finalda AQShlik Tomas Skott ustidan ishonchli g`alabaga erishdi va O`zbekistonga tarixiy oltin medalni taqdim etdi.

Shuningdek, musobaqada vakillarimiz beshta yo`nalishda bronza medallari uchun da`vogarlik qilishgani ham mamlakatimizda jismoniy tarbiya va sportga berilayotgan e`tiborning yorqin ifodasidir. Ayniqsa, erkaklar o`rtasida jamoaviy kumite bahslarida sportchilarimizning yarim finalgacha etib borishgani tahsinga loyiq.

Bugun tunda karate WKF bo`yicha kattalar o`rtasidagi jahon chempionati qahramonlari yurtimizga qaytib kelishdi. Islom Karimov nomidagi Toshkent xalqaro aeroportida karate bo`yicha milliy terma jamoamiz a`zolarini Turizm va sport vazirligi, Milliy olimpiya qo`mitasi, O`zbekiston karate milliy federasiyasi hamda sportchilarning oila a`zolari kutib olishdi.

Marosimda so`zga chiqqan Sport yakkakurashlari bo`yicha Respublika oliy sport mahorati maktabi direktori Bahodir Mamatnazarov karatechilarimizni ushbu olamshumul g`alaba bilan samimiy qutlagan holda tez orada jahon chempionati qahramonlari alohida taqdirlanishi rejalashtirilayotgani haqida ma`lumot berdi.

- Jahon chempionatiga jo`nab ketish oldidan o`z oldimga faqat g`alaba bilan qaytishni, O`zbekistonga oltin medal tuhfa etishni maqsad qilgan edim. Odatda ko`plab sport turlari bo`yicha Olimpiya o`yinlaridan keyin o`tkaziladigan nufuzli musobaqalarda ishtirokchilar tarkibi biroz kuchsizroq bo`ladi, bir qator etakchilar Olimpiadadan keyin dam olishni ma`qul ko`rishadi. Ammo, Dubayda o`tkazilgan jahon chempionati ishtirokchilari tarkibi ancha kuchli edi. Shunga qaramay jahon chempionati finalida jang qilar ekanman, ortimda Prezidentim, ota-onam, xalqim turganligini bir zumga bo`lsa-da unutmagan holda astoydil harakat qildim va maqsadimga erishdim. Umid qilamanki, bu yutuqlarimizning boshlanishi va iste`dodli yoshlar bilan biz yanada ulkan g`alabalarga erishamiz, - dedi jahon chempionatining oltin medali sohibi Dostonbek Otabolaev.

Ta`kidlash lozim, jahon chempionatida O`zbekiston terma jamoasi bitta oltin medal bilan umumjamoa hisobida 8-o`rinni egallashdi.

Benzemaga sud hukmi o‘qildi Avvalroq, Karim Benzema “Olimpiakos” yarim himoyachisi Mate Valbuenani “shantaj” qilgani o‘z tasdig‘ini topgan taqdirda shartli ravishda 10 oylik qamoq jazosi va 75 ming yevro miqdorida jarima belgilanishi mumkinligi haqida xabar bergan edik.  Bugun, 24 noyabr kuni Versal jinoiy sudi Valbuena va Benzema o‘rtasidagi shantaj ishi bo‘yicha hukm chiqardi. Unga ko‘ra, “Qirollik klubi” sardori shaxsiy videolarning tarqalishida jinoyatchilar bilan sheriklik qilishda aybdor, deb topildi. Sud qaroriga ko‘ra, futbolchi o‘z qilmishining jinoiy asosga ega ekanini bilmaganini ta’kidlagan. U shartli ravishda bir yil qamoq va 75 ming yevro jarimaga tortilgan. Bu esa mumkin bo‘lgan maksimal jazo hisoblanadi. Prokuror esa fransiyalik hujumchiga belgilangan qamoq jazosini 10 oylik muddatga almashtirishni so‘ragan. Eslatib o‘tamiz, 2015 yilda jinoyatchilar guruhi Valbuena ishtirokidagi videolavhani qo‘lga kiritgan va futbolchidan “shantaj” yordamida pul undirishga harakat qilgan edi. Benzema esa o‘sha lavhani jinoyatchilar qo‘liga tushishida vositachilik qilishda ayblangan.  Ma’lumot uchun, ushbu jarayonlar tufayli har ikki futbolchi ham Yevro-2016 uchun terma jamoaga chaqirilmagan. Benzema joriy yildagina “uch ranglilardan chaqiruv oldi. Shu sababli u 2018 yilgi Jahon chempionati g‘olibligidan “quruq qolgan”. Bugun, 24 noyabr kuni “Real Madrid” safarda Jasurbek Yaxshiboyev to‘p tepayotgan “Sheriff” klubiga qarshi bahs olib boradi.
Alisher Usmonovning rafiqasi hukumatga murojaat bilan chiqdi Rossiya badiiy gimnastika federatsiyasi (RBGF) prezidenti Irina Viner-Usmonova mamlakatda koronavirus pandemiyasi tufayli yopilgan o‘quv inshootlarini ochishga chaqirdi. Bu haqda TASS xabar bermoqda. “Biz karantin davrida sport mashg‘ulotlarini davom ettirishimiz kerak. Har bir bazada chiroyli maydonlar, ajoyib stadionlar, yurishingiz mumkin bo‘lgan joylar bor va, albatta, mashq qilish juda muhim, buni ta’minlash kerak”, dedi Viner-Usmonova. Uning so‘zlariga ko‘ra, sportchilar o‘z holatlarini saqlab qolish uchun mashg‘ulotlarda faol qatnashishlari zarur. “Agar biz bu sportchilarni karantindan keyin butunlay boshqa joyda ko‘ramiz. Bular faollikka muhtoj bo‘lgan yoshlardir”, dedi RBGF rahbari. Mart oyi oxirida Sport vazirligi Rossiyadagi barcha sport tadbirlarini to‘xtatib turish yoki bekor qilishni, shuningdek, bolalar sport maktablari uchun cheklangan rejimda ishlashni tavsiya qildi. Sport vaziri Oleg Matitsin bolalar murabbiylaridan shogirdlarini qo‘llab-quvvatlashlarini va ota-onalar bilan muntazam aloqada bo‘lishlarini so‘radi. COVID-19 pandemiyasi tufayli Rossiyada barcha o‘quv muassasalari yopildi. Rossiya terma jamoalarini yirik xalqaro musobaqalarga tayyorlash uchun yetakchi baza bo‘lgan Novogorsk o‘quv markazi bundan istisno qilindi. Sportchilar va murabbiylar majmuada xavfsiz holatga keltirildi. Ma’lumot o‘rnida, Irina Viner-Usmonova asli o‘zbekistonlik bo‘lgan rossiyalik miliiarder Alisher Usmonovning rafiqasi hisoblanadi.  O‘qituvchi onlayn darsni tomda, quyoshning issig‘ida olib boryapti (video) Abituriyentlar diqqatiga! «Ma’rifat» gazetasida test savollari e’lon qilinadi Oliy sud: Yulduz Usmonovaning ishi yuzasidan materiallar sudga kelib tushmagan Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Fikr qoldiring