JSST: Pandemiya hali tugamaydi. Chunki…
1816 10-03-2022 0 DunyoBundan ikki yil avval, yana ham aniqrog`i, 2020 yilning 11 mart kuni JSST tomonidan dunyoda koronavirus pandemiyasi boshlangani rasman e`lon qilingan edi.
SSV matbuot xizmatining xabar qilishicha, kecha tashkilot rahbari Tedros Gebreyesus shu haqda gapirar ekan, o`tgan davrda bu xavfli infeksiyadan vafot etganlar soni 6 million kishidan oshganini qayg`u bilan qayd etdi.
“Bu biz uchun juda katta yo`qotish, — dedi u. — Hozir dunyo bo`ylab kasallanish va o`lim holatlari kamayib borayotgan bo`lsa-da, pandemiya hali tugamaydi. Chunki buning uchun u er yuzining barcha nuqtalarida birdek yakunlanishi kerak”.
Реклама на Unews
Albatta, mazkur bayonot asosli dalillarga tayanadi. Negaki keyingi paytlarda Osiyo-Tinch okeani mintaqasida joylashgan ko`plab mamlakatlarda kasallanish va o`lim darajasi o`sishda davom etyapti.
Boz ustiga, shu yilning yanvar oyi boshida kiprlik olimlar tomonidan “delta” va “omikron” shtammlari xususiyatlarini o`zida mujassam etgan yangi “deltakron” mutasiyasi aniqlangandi. Ammo yaqin-yaqingacha JSST mazkur shtammning mavjudligini shubha ostiga olib keldi.
Kecha esa tashkilotning favqulodda vaziyatlar bo`limi texnik guruhi rahbari Mariya van Kerxove Jenevada bo`lib o`tgan navbatdagi brifingda “deltakron” Evropada paydo bo`lganini rasman ma`lum qildi.
Реклама на Unews
Bayonotda keltirilishicha, mazkur mutasiya turi Fransiya, Niderlandiya va Daniyada aniqlandi. Lekin hozircha juda kam miqdorda.
Eslatib o`tamiz, pandemiya boshlangandan buyon dunyoda qariyb 452 million kishi COVID-19 infeksiyasi bilan kasallangan. Shuningdek, infeksiyaning oldini olish maqsadida jami 11 milliard dozaga yaqin vaksina qo`llanilgan.
Eng qaynoq xabarlar bilan TELEGRAM kanalda birinchilarda xabardor bo'ling.