ФИФА Ўзбекистон терма жамоаси иштирок этадиган жаҳон чемпионати мезбонини эълон қилди
ФИФА ўзининг расмий сайти орқали U20 футболчилар ўртасидаги жаҳон чемпионатининг янги мезбонини эълон қилди. Турнир Аргентинада бўлиб ўтади.
Манбага кўра, Жанубий Америка қитъасида ўтадиган ушбу мусобақа жорий йилнинг 20 май кунидан 11 июнь кунигача давом этади.
Таъкидлаш керакки, ўтган ой Осиё чемпионлигини қўлга киритган Ўзбекистон терма жамоаси ҳам ушбу мундиалда иштирок этади. Мусобақага қуръа ташлаш маросими эса 21 апрель куни Швейцариянинг Цюрих шаҳрида бўлиб ўтади.
Реклама на Unews
Эслатиб ўтамиз, бундан аввалроқ U20 жаҳон чемпионати мезбонлиги Индонезиядан олиб қўйилган эди.
Eng qaynoq xabarlar bilan TELEGRAM kanalda birinchilarda xabardor bo'ling.
