Эрондаги байрамда 26 киши ҳалок бўлди, 4 мингдан ортиқ одам жароҳатланди
Эронда Чаҳаршанбе-Сури олов фестивалини нишонлаш натижасида 26 киши ҳалок бўлди, 4360 киши жароҳатланди. Бу ҳақда Эроннинг Mehr агентлиги хабар берди
Эрон фавқулодда вазиятлар хизмати раҳбарининг сўзларига кўра, байрам кунларида 1,4 мингга яқин тез тиббий ёрдам стансиялари шай ҳолатга келтирилди. Биргина Теҳроннинг ўзида бир кунда ёнғин хавфи ҳақида 1,8 минг қўнғироқ келиб тушди, 2 нафар пойтахтлик ҳалок бўлди. Асосан фуқаролар ёнғин устидан сакраш ва пиротехника воситаларидан нотўғри фойдаланиш оқибатида куйишади.
Ўтган йили ушбу байрамлар пайтида 700 дан ортиқ одам жароҳатланган ва камида 17 киши ҳалок бўлган.
Реклама на Unews
Чаҳаршанбе-Сури - Эронда Янги йил арафасидаги қадимий олов байрами - Наврўз (21 мартда бўлиб ўтади), у баҳор келиши ва табиатнинг қайта туғилишини англатади. Чаҳаршанбе-Сури календар йилининг охирги чоршанбасига ўтар кечаси нишонланади (Эронда чоршанба "чаҳаршанбе" деб талаффуз қилинади), лекин байрамларнинг ўзи икки-уч ҳафта олдин бошланади. Анъанага кўра, эронликлар ширин ва нордон ёнғоқларнинг махсус аралашмасини истеъмол қиладилар ва кечқурун улар кўчаларда гулхан ёқади ва улар устидан сакраб ўтади. Замонавий байрам урф-одатлари уй-рўзғор пиротехника воситаларидан фойдаланишни ўз ичига олади.
Eng qaynoq xabarlar bilan TELEGRAM kanalda birinchilarda xabardor bo'ling.
