Эрдўғон Швециянинг НАТОга аъзо бўлишини расман маъқуллади
Туркия президенти Ражаб Тоййиб Эрдўғон Швециянинг НАТОга қабул қилиниши ҳақидаги протоколни тасдиқлади. Ҳужжат ҳукуматнинг Resmi Gazete газетасида эълон қилинди, деб ёзади Анадолу.
23 январь куни Туркия парламенти протоколни ратификация қилиш учун овоз берди.
Венгрия Швециянинг альянсга қўшилиш аризасини ҳали ратификация қилмаган НАТОга аъзо ягона давлат бўлиб қолмоқда. НАТОга аъзо бўлиш учун номзод давлатнинг аризаси альянснинг барча аъзолари томонидан маъқулланиши керак.
Реклама на Unews
Швеция Финляндия билан бирга 2022 йилнинг ёзида НАТОга аъзо бўлиш учун ариза топширган.
Финляндия 2023 йил апрель ойида НАТОга аъзо бўлди. Швециянинг НАТОга кириши Туркиянинг Швецияни Курдистон ишчилар партияси (Анқара уни “террорчи ташкилот” деб ҳисоблайди) аъзоларига бошпана берганликда айблаган қаршиликлари туфайли кечиктирилди.
Eng qaynoq xabarlar bilan TELEGRAM kanalda birinchilarda xabardor bo'ling.
