Daihatsu заводлари можаро туфайли фаолиятини тўхтатди
Toyota компаниясининг шўъба корхонаси — Daihatsu синов натижаларини сохталаштириш билан боғлиқ можаро ортидан Япониядаги заводлари фаолиятини тўхтатди, деб хабар бермоқда NHK.
Киото ва Шига префектураларидаги учта корхона фаолиятини тўхтатди, шунингдек, 26 декабрь куни Осака префектурасидаги асосий заводда ишлаб чиқариш тўхтатилади.
Заводлар бир ой ишламайди, бу даврда улар 70 мингга яқин автомобиль ишлаб чиқариши мумкин эди.
Реклама на Unews
Daihatsu ўз автомобилларининг давлат сертификатини олиш учун узоқ вақтдан бери маълумотларни сохталаштириб келаган.
20 декабрь куни компания мустақил экспертиза натижаларини эълон қилди, унда Daihatsu томонидан ишлаб чиқарилган 64 та модель ва учта двигателда, шу жумладан Toyota бренди остида 100 дан ортиқ қоидабузарликлар аниқланган. Шундан сўнг компания барча автомобиль моделларини етказиб беришни тўхтатди ва Toyota содир бўлган воқеа учун узр сўради.
Eng qaynoq xabarlar bilan TELEGRAM kanalda birinchilarda xabardor bo'ling.
