BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Bugun O`zbekiston juda quruq ob-havo ta`sirida bo`ladi

O`zbekiston Gidrometeorologiya xizmati xabariga ko`ra, bugun, 28 mayda kunduz kuni O`zbekiston hududi juda iliq va quruq havo tasiri ostida bo`ladi. Respublika bo`yicha havo kam bulutli bo`ladi, yog`ingarchilik kutilmaydi. Shamol 7-12 m/s tezlikda esadi. Havo harorati 34-39° gacha ko`tariladi.

Poytaxtimizda havo biroz bulutli bo`ladi, vaqti-vaqti bilan o`zgarib turadi, yog`ingarchilik kutilmaydi. Shamol 3-8 m/s tezlikda esadi. Havo 36-38° gacha isiydi.

Respublikaning tog` oldi va tog`li hududlarida kunning ikkinchi yarmida ba`zi joylarda qisqa muddatli yomg`ir yog`ishi, momaqaldiroq bo`lishi mumkin. Shamol 7-12 m/s tezlikda esadi. Havo harorati 22-27° bo`ladi.

Abdulla Aripov Minskda MDH hukumat rahbarlari yig‘ilishida ishtirok etadi Bugun, 28 may kuni O‘zbekiston Bosh vaziri Abdulla Aripov boshchiligidagi delegatsiya Minsk shahrida bo‘lib o‘tadigan MDH hukumat rahbarlari kengashining navbatdagi yig‘ilishida ishtirok etadi. Bu haqda “Dunyo” axborot agentligi xabar berdi. MDH Ijroiya qo‘mitasi matbuot xizmati xabariga ko‘ra, delegatsiyalar rahbarlari tor doiradagi uchrashuvda Hamdo‘stlik doirasidagi iqtisodiy hamkorlikning dolzarb masalalari yuzasidan fikr almashishi, navbatdagi uchrashuv sanasi va joyini belgilab olishi kutilmoqda. Yig‘ilishda delegatsiyalar yuqumli kasalliklar tarqalishiga qarshi chora-tadbirlar ko‘rish, MDH mamlakatlari hududlarini sanitariya muhofazasi va Hamdo‘stlik aholisini ish bilan ta’minlashga ko‘maklashish sohalaridagi hamkorlik masalalarini muhokama qiladi. Shuningdek, soxta savdo belgilari va geografik ko‘rsatkichlardan foydalanishning oldini olish, geodeziya, kartografiya, kadastr va yerni masofadan zondlash sohasidagi hamkorlikni tartibga soluvchi va boshqa hujjatlarni imzolash rejalashtirilgan. Majlisda MDHga a’zo davlatlarda davlat moddiy rezervlarini boshqaradigan davlat (ijro etuvchi) organlarining 2030 yilgacha bo‘lgan davrdagi hamkorligi konsepsiyasi va uni amalga oshirishning asosiy chora-tadbirlari rejasi tasdiqlanishi kutilmoqda. Bundan tashqari, Qurolli kuchlar ofitserlarini tezkor-strategik tayyorlash sohasida asosiy tashkilot to‘g‘risidagi hamda turli lavozimlarga kadrlarni tayinlashga oid qarorlar imzolanishi rejalashtirilgan.

Fikr qoldiring