Анчелотти шогирдларини танқид қилди
Мадриднинг “Реал” клуби бош мураббийи Карло Анчелотти “Мальорка” билан Испания чемпионати 19-тур учрашувида (1:0) сариқ карточка олган украиналик дарвозабон Андрей Лунин ва бразилиялик ҳужумчи Родригони танқид қилди. Футболчилар ҳакам билан баҳслашгани учун огоҳлантириш олди. Учрашувдан сўнг Анчелотти кийиниш хонасида футболчиларга ўз шикоятларини билдирди.
“Биз шунчаки карточка олишимиз керак эмас, уларнинг ҳакам билан тортишиб, карточка ишлаб олгани менга ёқмайди”, дейди Анчелотти.
19 турдан кейин “Реал” 48 очко билан Испания чемпионати турнир жадвалида пешқадамлик қилмоқда. 2-ўринда бораётган “Жирона”да ҳам шунча очко бор. Испания чемпионатида Карло Анчелотти шогирдлари 13 учрашувдан буён мағлубиятга учрамаяпти.
Реклама на Unews
Кейинги турда “Реал Мадрид” “Альмерия” билан тўқнаш келади.
Eng qaynoq xabarlar bilan TELEGRAM kanalda birinchilarda xabardor bo'ling.
