7 нафар ўзбекистонлик боксчи жаҳон чемпионлиги учун жанг қилади
Тобора ўз поёнига етиб бораётган бокс бўйича катталар ўртасидаги Жаҳон чемпионатининг ярим финал жанглари ортда қолди. 9 нафар Ўзбекистон вакили финал йўлланмаси учун жанг қилди.
-92 кг вазнда Лазизбек Мулложонов ярим финал жангини россиялик тажрибали Муслим Гажимагомедовга қарши ўтказди ва 1:4 ҳисобида имкониятни бой берди. -75 кг да эса Аълохон Абдуллаев ярим финалда бразилиялик Вандерлей Перейрага қарши рингга кўтарилиб, имкониятни бой берди. Шундай қилиб, икки Ўзбекистон вакили Жаҳон чемпионатини бронза медали билан якунлайдиган бўлди.
Ойбек Жўраев, Асадхўжа Мўйдинхўжаев, Ҳасанбой Дўсматов, Абдумалик Халоков, Руслан Абдуллаев ва Саиджамшид Жафаров финалолди жангларда рақибидан устун келиб олтин медаль учун курашни давом эттирадиган бўлди.
Реклама на Unews
Супероғир вазн тоифасида Баҳодир Жалолов испаниялик Аюб Гадфа Дриссига қарши жанг қилиши лозим эди. Бироқ Дрисси жароҳат сабаб рингга кўтарила олмади ва Жалолов автоматик тарзда финалга йўл олди.
Eng qaynoq xabarlar bilan TELEGRAM kanalda birinchilarda xabardor bo'ling.
