BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Zoologlar ko‘rsichqon va tulkilarning Sardoba to‘g‘onining yemirilishiga ta’sirini o‘rgandi

O‘zbekiston Fanlar akademiyasi Zoologiya instituti zoolog mutaxassislari yovvoyi kemiruvchilar va boshqa hayvonlar faoliyatining Sardoba suv ombori to‘g‘oni holatiga ta’sirini aniqlash bo‘yicha Sirdaryoda safarda bo‘ldi. Bu haqda Fanlar akademiyasi matbuot xizmati xabar berdi,  deb yozmoqda  "Daryo.uz" nashri.

Ta’kidlanishicha, ish jarayonida guruh tomonidan to‘g‘on yonbag‘rining 7 bo‘limi, to‘g‘onning yuqori qismidan esa 31-piketdan 197-piketgacha tekshiruvlar o‘tkazilgan. Bu hududlarda ochilib qolgan loy uyumlari va cho‘kmalar kuzatilgan. Tekshiruvlar muhandis E.Qayumov ishtirokida o‘tkazildi.

Ma’lumotlarga ko‘ra, to‘g‘on yonbag‘rining 3 bo‘limida oddiy ko‘rsichqonning ochilib qolgan in yo‘llari, to‘g‘onning yuqori qismida esa Tamarisk qumsichqonining inlari qayd etilgan. Nishablik bo‘limlardan birining asosida tulki ini topilgan.

“Olingan ma’lumotlar shuni ko‘rsatadiki, bu kemiruvchilar hamda tulkilar ko‘p sonda emas va to‘g‘onning yaxlitligiga jiddiy ta’sir ko‘rsata olmaydi. Fanlar akademiyasi Zoologiya instituti mutaxassislari ushbu masala yuzasidan zarur tavsiyalar berdi”, — deyiladi xabarda.

Avvalroq internetda Sardoba suv ombori fojiasiga laqqa baliqlar sabab bo‘lgan bo‘lishi mumkin ekani to‘g‘risida xabar tarqalgandi, biroq bu versiya yuzasidan dalillar taqdim etilmagani bois u ko‘pchilik tomonidan jiddiy qabul qilinmadi, tegishli tuzilmalar tomonidan rasmiy munosabat ham bildirilmadi.

Eslatib o‘tamiz, 1-may kuni soat 05:55 da Sirdaryo viloyatida joylashgan Sardoba suv ombori to‘g‘onining 6-piket devorida suv chiqishi yuzaga kelgandi. Bosh prokuratura Sardoba falokati yuzasidan jinoyat ishi bo‘yicha 4 ta tergov versiyasini ko‘rib chiqmoqda. Hozirda suv ombori ishi bo‘yicha ikki kishi qamoqqa olingan.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Prezident So‘x tumanida bo‘lgan voqealarga munosabat bildirdi O‘zbekiston Respublikasi Prezidenti Shavkat Mirziyoyev Farg‘ona shahrida viloyat va tumanlar hokimlari, soha va tarmoqlar rahbarlari, jamoatchilik vakillari ishtirokida yig‘ilish o‘tkazdi, deb yozmoqda  "Sof.uz" nashri. Prezident o‘tgan hafta So‘x tumanida bo‘lgan voqealarga ham to‘xtalib, munosabat bildirdi. - Keyingi yillarda qo‘shni davlatlar bilan chegaradosh joylardagi ko‘p muammolarni hal qilishga erishdik. So‘xdagi voqealar qirg‘iz xalqi bilan do‘stligimizga, bordi-keldimizga, rejalarimizga ta’sir qilmasligi kerak. Vazmin, sabr-toqatli, mehr-oqibatli bo‘lishimiz zarur. Qo‘shnichilik - ming yilchilik. Xalqlarimiz yelkadosh bo‘lib, bir-birini hurmat qilib yashashi kerak, - dedi Shavkat Mirziyoyev. Bosh vazir rahbarligida Hukumat komissiyasi tomonidan muammolar o‘rganilib, keng qamrovli takliflar tayyorlangan. 2020-2022 yillarda So‘x tumanini kompleks rivojlantirishga 500 milliard  so‘m mablag‘ yo‘naltirish belgilangan. 11 ming yangi ish joyi tashkil etish rejalashtirilgan. 98 ta loyiha amalga oshirilib, sanoat, qishloq xo‘jaligi va xizmat ko‘rsatish sohalari rivojlantiriladi. Jismoniy shaxslar yer va mol-mulk solig‘idan ozod etilib, yakka tartibdagi tadbirkorlar uchun daromad solig‘i stavkasi 2 barobar kamaytiriladi. 1 ming gektar ekin yerlarida suv ta’minoti yaxshilanadi. Tuman tibbiyot birlashmasi bo‘limlari, yuqumli kasalliklar shifoxonasi, markaziy shifoxona tibbiy asbob-uskunalar va maxsus reanimobil bilan ta’minlanadi. Maktablar, qishloq vrachlik punktlari, yo‘llar va ijtimoiy ob’yektlar ta’mirlanadi. So‘xlik yoshlar uchun vodiy viloyatlaridagi oliy ta’lim muassasalarida 2020/2021 o‘quv yilida davlat granti asosida maqsadli ravishda qo‘shimcha 500 ta o‘rin ajratiladi. Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Fikr qoldiring