Yaponlar 18 metrli robotni harakatga keltirishdi (video)

4595 22-09-2020 0 Dunyo

Bahaybat robot Yaponiyaning Iokogama shahrida vujudga keldi. Uning bo‘yi 18 metrga yetadi. Robot bosh va qo‘l-oyoqlarini qimirlata oladi,  deb yozmoqda "Xabar.uz" nashri.

Robot qurilishi 2020-yil boshida boshlangandi. Uni ulkan robotlarga bag‘ishlangan «Gundam Factory Yokohama» ko‘ngilochar muzey-bog‘i uchun yaratishdi. Park iyul oyida ochilishi rejalashtirilgandi. Biroq koronavirus pandemiyasi tufayli oktyabrning boshiga ko‘chirilgandi. Keyin esa noma’lum muddatga qoldirildi. U yil davomida ochilishi kutilmoqda. «Gundam» parkning asosiy diqqatga sazovor joyiga aylanadi. Tashkilotchilarning so‘zlariga ko‘ra, bu — bitta robot emas, balki odamlar tomonidan boshqariladigan robotlar jamlanmasi.

Ishlab chiqaruvchilar o‘z ixtirolarini allaqachon sinovdan o‘tkazishdi. Ijtimoiy tarmoqlarda paydo bo‘lgan kadrlarda robotning harakatlanishini ko‘rish mumkin. U boshini buradi, qo‘llarini silkitadi va oyoqlari bilan qadam tashlaydi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!