BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Yangi yo'riqnoma: Covid-19 qanday boshlanadi? Asosiy klinik alomatlari

Quyida COVID-19 kasalligi boshlanishi va boshqa Nafas Yo'llari o'tkir virusli kasalliklaridan farqi keltirilgan. 

Ko‘p hollarda:

- Isitma (tana harorati 37,8 darajadan oshadi, sovuq qotish yoki qaltirash);

- Umumiy holsizlik (tanada charchoq, bosh, oyoq va qo‘llar zirqirab og‘rishi);

- Quruq yo‘tal (odatiy yo‘taldan davomiyligi bilan farqlanadi, bunda tinimsiz yo‘talish 1 soatdan ko‘p davom etishi yoki 1 sutkada 3-5 marta yo‘talish); 

- Nafas qisishi (ko‘krak qafasida og‘riq, nafas olishda qiyinchilik); 

- Og‘riqlar (bosh, bo‘g‘im va mushaklar og‘rishi);

- Ishtahasizlik (taomlar iste’molida ishtaha yo‘qolishi kuzatiladi). 

Shamollash va grippda:

- Burundan suv oqishi, aksirish, tumov tez-tez kuzatiladi. Nafas qisilmaydi. 

- Agar sizda kasallik alomatlari og‘ir bo‘lmasa, yuqori harorat, kuchli yo‘tal kuzatilmasa, kasalxonaga yotish yoki koronavirusga test topshirish zarurati yo‘q.

Manba: Uchquduq TTB Telegram kanali

Koronavirusning eng xavfli jihati ma’lum qilindi! Yangi turdagi koronavirus SARS-CoV-2’ning eng xavfli jihati uning yuqori darajada yuquvchanligi hisoblanadi. Bu haqda xitoylik virusolog, professor Chjun Nanshan ma’lum qildi, deb xabar berdi “Xuansyuvan” portali. Professorning ta’kidlashicha, SARS-CoV-2 mavsumiy gripp, ORVI (o‘tkir respirator virusli infeksiya) yoki MERS koronavirusidan tezroq va osonroq yuqadi. Shu sababli bu infeksiyaga qarshi kurashish uchun 4 ta komponent: erta himoya, infeksiyani erta aniqlash, erta tashxis va erta izolyatsiya zarur. Erta himoya ostida niqob va qo‘lqoplar taqib yurish, qo‘llarni tez-tez yuvish va ijtimoiy masofaga rioya qilish ko‘zda tutiladi. Bu choralar insonni himoyalaydi, chunki koronavirus bevosita aloqalar yoki yuzalar orqali yuqadi. Koronavirusni erta aniqlash uchun gavjum joylarda tana haroratini o‘lchash zarur. Shuningdek, shubhali alomatlar paydo bo‘lganda darhol shifokorlarga murojaat qilish kerak. Bunday alomatlarga o‘zini yomon his qilish, tana harorati ko‘tarilishi, quruq yo‘tal va noodatiy toliqish kiradi. Erta tashxis shifoxonalarda koronavirusga chalinganlarni boshqa bemorlar bilan aralashtirib yubormaslik imkonini beradi. Mutaxassisning aytishicha, buning uchun ambulator sharoitlarda ko‘rik o‘tkazish lozim. O‘z navbatida, erta izolyatsiyalash kasallangan odamning sog‘lom odamlar bilan aloqalarini minimallashtiradi. Avvalroq amerikalik olimlar SARS-CoV-2’ning o‘ta yuquvchanligi sababini aniqlashganini ma’lum qilishgandi. Ularning ta’kidlashicha, yangi turdagi koronavirus boshqa koronaviruslar: atipik zotiljam keltirib chiqaruvchi SARS-CoV-1 va inson uchun xavfsiz HCoV-HKU1’ning genomlarini o‘zida mujassamlagan. Atipik zotiljam virusi uncha yuqumli bo‘lmay, biroq undan o‘lish darajasi yuqori. HCoV-HKU1, aksincha, o‘ta yuqumli bo‘lib, biroq deyarli bezarar hisoblanadi.

Fikr qoldiring