Umumiy ovqatlanish korxonalariga soliq imtiyozlari taqdim etildi
Shavkat Mirziyoev "Umumiy ovqatlanish va turizm sohalarini qo`llab-quvvatlashning qo`shimcha chora-tadbirlari to`g`risida"gi qarorni imzoladi, deya xabar bermoqda O`zA.
️Unga ko`ra, 2021 yil 1 sentyabrdan boshlab:
2021 yil 31 dekabrga qadar umumiy ovqatlanish korxonalari yuridik shaxslardan olinadigan er solig`i va yuridik shaxslarning mol-mulkiga solinadigan soliqni to`lashdan ozod qilinadi;
Реклама на Unews
2023 yil 1 sentyabrga qadar turistik (mehmonxona) yig`imni hisoblash va to`lash to`xtatiladi.
Shuningdek, umumiy ovqatlanish korxonalariga mahalliy davlat hokimiyati organlariga ariza yubormasdan turib, soliq organlarini xabardor qilgan holda:
- aylanmadan olinadigan soliq;
- foyda solig`i;
- suv resurslaridan foydalanganlik uchun soliq;
- yuridik shaxslardan olinadigan er solig`i;
- yuridik shaxslarning mol-mulkiga solinadigan soliq va yig`imlar bo`yicha 2021 yil 15 avgust holatiga ko`ra mavjud qarzdorlikni, shuningdek, barcha soliqlar bo`yicha jarima va penyalarni 2022 yil 1 yanvardan 1 iyulga qadar foizlarni undirmasdan teng miqdorlarda kechiktirib (bo`lib-bo`lib) to`lash huquqi berildi.
Eng qaynoq xabarlar bilan TELEGRAM kanalda birinchilarda xabardor bo'ling.
