Turkiyada nega aynan poezd sayohatini tanlash kerak?

1884 06-01-2022 0 Dunyo

Poezdda sayohat qilish Turkiyani o`zingiz uchun kashf qilishning eng yaxshi usullaridan biridir. Oxirgi yillarda tarixiy poezdlar bilan bir qatorda tez yurar poezd yo`llari juda ham ommalashdi.

Poezd sayohatlari Anatoliyaning tabiiy go`zalliklarini va tog` - yon bag`irlarini yaqindan ko`rishingiz va bundan zavq olishingiz uchun yordam beradi. Nega aynan poezd sayohatini tanlashingiz kerak? 

Bu savolga quyidagicha javoblar berish mumkin:

Poezdda sayohat qilar ekansiz, o`rindig`ingizda o`tirgan yoki tik turgan holda bir paytning o`zida shahar va qishloqlarni, tog` va daryolarni yaqindan ko`rib zavqlanishingiz mumkin.

Poezd yo`li sayohatining havo yo`llari va mashina sayohatlaridan yana bir afzallik tomoni sizni uzoq yo`lda chuqur fikr yuritish, mulohaza qilish hamda zavq bilan mutolaa qilishga imkon yaratib berishidir.

Poezdda qulay narxlarda sayohat qilar ekansiz, o`zingiz uchun diqqatga sazovor yangi joylarni kashf qilasiz hamda yangi do`stlar orttirasiz.Shuningdek, uchish, qo`nish, xavfsizlik kamari taqish kabi muammolarni unutasiz. Poezdlar shahar markazlaridan harakatlanganligi bois, temir yo`l stansiyalariga kelish va ketishlarda transport muammolariga duch kelmaysiz.