BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

"Tolibon” vakili Afg`onistonda urush tugaganini e`lon qildi

Afg`onistondagi jangovar harakatlar tugadi va Kobul ustidan nazorat o`rnatgan “Tolibon” harakati tez orada mamlakatda boshqaruv shaklini ma`lum qiladi. Bu haqda «Tolibon» siyosiy idorasi rasmiy vakili Muhammad Naim Al Jazeera telekanaliga intervyusida xabar berdi.

Uning ta`kidlashicha, yaqinda «Tolibon» Afg`onistondagi hokimiyat shaklini va rejimini aniqlaydi.

– Biz mamlakat xavfsiz va korrupsiyadan xoli bo`lishini istaymiz, – degan Naim.

Shuningdek, «Tolibon» xorijlik fuqarolar va mamlakatdagi diplomatik vakolatxonalar a`zolari xavfsizligini to`liq ta`minlashi aytilgan.

– «Tolibon» jangchilari poytaxt Kobulni egalladi va hukumat rasmiylari mamlakatni tark etgan so`ng davlat idoralari ham ishg`ol qilindi. Afg`oniston prezidenti Ashraf G`ani mamlakatdan chiqib ketdi. Keyinchalik «Tolibon» Afg`oniston poytaxtining barcha hududlari ustidan nazorat o`rnatilganini e`lon qildi, – deyiladi telekanal xabarida.

Afg`onistonga demokratiyani majburlab olib kirish G`arbning eng ayanchli xatosi — Lavrov Rossiya Afg`onistonda Tolibon harakati (Rossiyada taqiqlangan) kuchini tan olishga shoshilmayapti. Bu haqda jurnalistlarga seshanba kuni Rossiya tashqi ishlar vaziri Sergey Lavrov ma`lum qildi. "Biz boshqa davlatlar singari ularni tan olinishga shoshilmayapmiz", dedi u. "Kecha men Xitoy Xalq Respublikasi Tashqi ishlar vaziri Van I bilan gaplashdim. Bizning pozisiyalarimiz bir -biriga mos keladi", - deya qo`shimcha qildi Lavrov. Shu bilan birga, vazirning ta`kidlashicha, Rossiya Afg`onistonni yanada rivojlantirish borasida toliblardan ijobiy signallarni qayd etadi. "Biz boshqa siyosiy kuchlar ishtirokida hukumatga ega bo`lish istagini bildirgan, jarayonlarni davom ettirishga tayyor ekanligini bildirgan. Tolibonning umum e`tirof etilgan siyosiy idorasi mavjud ", - dedi Rossiya tashqi ishlar vaziri. Lavrovning so`zlariga ko`ra, Rossiya "Tolibon"ning Afg`oniston siyosiy kuchlari rahbarlari bilan muloqotiga umid qiladi. Mamlakat hukumatining inklyuziv o`tish davri tuzilmalarini shakllantirish bilan yakunlanadi. "Mana shu kunlarda hatto Tolibon vakili bilan ham suhbat bo`lishi mumkin. Umid qilamanki, bu afg`onlarning o`tish davri tuzilmalarini o`z ichiga olgan kelishuv bilan yakunlanishiga bu muhim qadam",- dedi vazir. "Biz Afg`onistonning barcha siyosiy va etnik konfessional kuchlari ishtirokida har tomonlama qamrab oluvchi milliy muloqot boshlanishini qo`llab-quvvatlaymiz",-deya qo`shimcha qildi Lavrov. Shuningdek, Rossiya Tashqi ishlar vazirligi rahbari Kobul ko`chalaridagi ijobiy jarayonlarni qayd etdi, u erda "vaziyat ancha tinch va umuman Tolibon qonun va tartibni samarali ta`minlamoqda". Ma`lumot uchun, Tolibon jangarilari 15 avgust kuni Kobulga jangsiz kirgan va bir necha soat ichida Afg`oniston poytaxti ustidan to`liq nazorat o`rnatgan edi. Afg`oniston prezidenti Ashraf G`ani qon to`kilmasligi uchun iste`foga chiqqanini va mamlakatni tark etganini aytdi. G`arb davlatlari mamlakat ichidagi o`z fuqarolari va elchixona xodimlarini evakuasiya qilmoqda. Risolat MAXSIMOVA 

Fikr qoldiring