Rossiyada muz parchasi ayolning "qotili"ga aylandi

2808 11-03-2021 0 Dunyo

Novosibirskda qor yog‘ishi natijasida 68 yoshli ayol halok bo‘ldi – ayolning boshiga muz parchasi tushgan. Bu haqda Tergov qo‘mitasining viloyat boshqarmasi veb-saytida xabar berilgan, deb yozmoqda "Aniq.uz" nashri.

Tergovchilarning aniqlashicha, 10 mart kuni rossiyalik ayol Uzornaya ko‘chasidagi ko‘p qavatli turar-joy binosi yonidan o‘tayotganda, balkonga omonatgina o‘rnatib qo‘yilgan tarnovdan qor va muz ayolning ustiga tushgan. Jabrlanuvchi travmatik miya jarohati bilan kasalxonaga yetkazilgan, u tez orada vafot etgan.

Hodisa yuzasidan ehtiyotsizlik tufayli o‘limga olib kelganlik uchun jinoyat ishi qo‘zg‘atildi. Hodisa holatlarini aniqlashga qaratilgan tergov harakatlari davom etmoqda.