Qozog`iston vaksina sotib olish bo`yicha Rossiya bilan kelishuvga erishdi
3766 26-08-2020 0 Dunyoplatforma.uz xabar berishicha, bugun Qozog`istonning «SK-Farmasiya» tashkiloti Rossiya to`g`ridan-to`g`ri investisiyalar jamg`armasi bilan shu bo`yicha bitim imzoladi. Bu haqida "Darakchi.uz" nashri xabar bermoqda.
Aynan «SK-Farmasiya» respublika byudjeti hisobidan tibbiyot texnikalarini sotib olish hamda keyinchalik ularni moliyaviy lizing asosida sog`liqni saqlash muassasalariga etkazib berish bilan shug`ullanadi, o`z mamlakatida dori-darmonlar ta`minoti va farmasevtikani rivojlantirishga asosiy mas`ul hisoblanadi.
Eslatib o`tamiz, yaqinda uning rahbariyati yangilanib, ishdan bo`shatilgan eski mutasaddilar ustidan korrupsiya bo`yicha surishtiruv ishlari olib borilyapti.
Реклама на Unews
RFning Gamaley markazi esa "Sputnik V" barcha sinov bosqichlaridan o`tganidan so`ng qo`shnilarimiz uchun zarur bo`lgan miqdorda vaksina ishlab chiqarishga tayyor ekanligini bildirgan.
Xatar guruhiga kiradigan qozog`istonliklarni vaksinalash esa bepul hamda ko`ngilli asosda amalga oshiriladi.
O`zbekistonda ham shu kunlarda gripp va pnevmoniyaga qarshi emlash uchun hukumat darajasida kerakli chora-tadbirlar olib borilayotgani ma`lum qilingan.
Реклама на Unews
Koronavirusga qarshi kurash shtabi a`zosi, epidemiolog Rustam Ikromovning aytishicha, vaksinalarni chetdan olib kelish va joylarda emlash punktlarini tashkil qilish ishlari yuzasidan chora-tadbirlar ishlab chiqilgan va bu ishlar sentyabr oyidan boshlanadi.
Epidemiolog 2019 yilda 21 ming nafardan ortiq «Muruvvat», «Saxovat» uylarida yashovchi shaxslar, mehribonlik va go`daklar uylarining tarbiyalanuvchilari uchun grippga qarshi vaksinalar tekinga davlat byudjeti hisobidan etkazib berilganini qayd etib o`tgan.
"Joriy 2020 yilda ham shu toifadagi aholiga vaksinalar davlat tomonidan etkazib berilishi ko`zda tutilgan, — deydi u. — Boshqa aholi vakillari o`z hisobidan, tashkilot xodimlari o`sha idora mablag`laridan xususiy vaksina emlash markazlari orqali vaksina olishlari mumkin".
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Eng qaynoq xabarlar bilan TELEGRAM kanalda birinchilarda xabardor bo'ling.