Qashqadaryoda 9 ta tibbiyot muassasasi rahbarlariga nisbatan jinoyat ishi qo`zg`atildi. Sababi...
1638 28-12-2021 1 O'zimizdaKorrupsiyaga qarshi kurashish agentligi tomonidan Qashqadaryo viloyatida tibbiy uskunalar xarid qilinishining qonuniyligi o`rganildi. Bu haqda agentlik axborot xizmati xabar berdi.
Qayd etilishicha, 2020 yil va 2021 yilning 1-yarim yili davomida 10 ta tibbiyot muassasalari tomonidan 75 dona jami 7 mlrd. 817,6 mln. so`mlik tibbiy uskunalar Qarshi shahridagi mas`uliyati cheklangan jamiyatdan shartnoma asosida juda qimmat narxlarda byudjet mablag`lari hisobiga sotib olingan.
Ushbu materiallar qonuniy qaror qabul qilish uchun Bosh prokuratura huzuridagi Iqtisodiy jinoyatlarga qarshi kurashish departamentiga yuborilgan va Qashqadaryo viloyati boshqarmasi tomonidan bozor bahosini aniqlash bo`yicha ekspertiza tayinlangan.
Реклама на Unews
X.Sulaymonova nomidagi Respublika ekspertiza markazining Qashqadaryo viloyati bo`limi ekspertlari tomonidan dastlabki baholash ishlari yakunlariga ko`ra, 65 dona 43 turdagi tibbiy uskunalari tibbiyot muassasalari tomonidan 5 mlrd. 421,4 mln. so`mga xarid qilingan bo`lsa, ekspert xulosasiga ko`ra, haqiqatda, 2 mlrd. 808,1 mln. so`mlik qiymatga ega ekanligi, ya`ni 2 mlrd. 613,3 mln. so`mga qimmat narxlarda sotib olinganligi aniqlanadi.
Bosh prokuratura huzuridagi Iqtisodiy jinoyatlarga qarshi kurashish departamenti Qashqadaryo viloyati boshqarmasi tomonidan 2 mlrd. 613 mln. 334 ming 899 so`mga qimmat narxlarda tibbiy uskunalar sotib olinganligi holati yuzasidan 2021 yil 16 dekabr kuni ta`minotchi jamiyat va Qashqadaryodagi 9 ta tibbiyot muassasalari mansabdor shaxslariga nisbatan Jinoyat kodeksining 167-moddasi 3-qismi “a” bandi bilan jinoyat ishi qo`zg`atilgan.
"Hozirda viloyat prokuraturasi tomonidan tergov harakatlari olib borilmoqda",-deyiladi xabarda.
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
Haaaaaa, ko'za kuzda emas kunida sinadi deb shuni aytishsa keragov.....