"Paxtakor" va "Nasaf" ishtirok etadigan OChL guruh bosqichiga qur`a tashlandi
1640 17-01-2022 0 SportBugun Malayziya poytaxti Kuala-Lumpurda Osiyo Chempionalr ligasi guruh bosqich o`yinlariga qur`a tashlandi.
E`tiborli tomoni shundaki, qur`a tashlash marosimini OFKda faoliyat yuritayotgan hamyurtimiz Avaz Berdiqulov olib bordi.
Qur`a natijalariga ko`ra, Toshkentning “Paxtakor” klubi “D” guruhida Qatarning “Al-Duhayl”, Eronning “Sepaxon” va saralash pley-offi orqali uchinchi raqibi ma`lum bo`ladi. Unda Saudiya Arabistoni ishtirokchisi “Al Taavon” Suriyaning “Al Jaish”ga qarshi kurash olib boradi.
Реклама на Unews
Qarshining “Nasaf” esa “E” guruhida ishtirok etishi mumkin. Buning uchun Ro`ziqul Berdiev shogirdlari saralashning pley-offida Birlashgan Arab Amirliklari ishtirokchisi “Baniyas” to`sig`idan o`tishi lozim. Agar vazifa bajarilsa, “Nasaf” Qatarning “Al-Sadd”, Saudiya Arabistoni vakili “Al Faysali” hamda Iordaniya “Al Vihdat”ga qarshi maydonga tushishi mumkin.
Ma`lumot uchun, guruh bosqich o`yinlari markazlashgan tartibda o`tkaziladi. O`yinlar 7-27 aprel kunlari bo`lib o`tadi. Guruh o`yinlari bo`lib o`tadigan mamlakatlar nomini OFK tez orada ma`lum qiladi.
Darvoqe, Osiyo Chempionlar ligasining chorak va yarim final uchrashuvlari 2023 yilning fevralida o`tkazilishi rejalashtirilgan.
Реклама на Unews
"D" guruhi:
"Al Duhayl" (Qatar)
"Sepaxon" (Eron)
"Paxtakor" (O`zbekiston)
"Al Taavon" (S.Arabistoni) - "Al Jayish" (Suriya) g`olibi
"E" guruhi:
"Al Sadd" (Qatar)
"Al Faysali" (Saudiya Arabistoni)
"Al Vihdat" (Iordaniya)
"Baniyas" (BAA) - "Nasaf" (O`zbekiston) g`olibi
Eng qaynoq xabarlar bilan TELEGRAM kanalda birinchilarda xabardor bo'ling.