BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

O‘zbekistonning 7 hududida 200 dan ortiq insonda koronavirus aniqlandi. 2 kishi vafot etdi

2020 yil 14 avgust soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 33 821 (+260) nafarni tashkil etmoqda,   deb yozmoqda "Aniq.uz" nashri.

Yangi kasallanish holatlarining 127 nafari Toshkent viloyatida, 105 nafari Toshkent shahrida, 12 nafari Xorazm viloyatida, 8 nafari Andijon viloyatida, 3 nafardan Qashqadaryo va Farg‘ona viloyatlarida hamda 2 nafari  Qoraqalpog‘iston Respublikasida tana harorati ko‘tarilganligi uchun profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Shu bilan birga, Olmazor tumanida yashagan 72 yoshli A.YA. (erkak) hamda Yakkasaroy tumanida yashagan 36 yoshli F.R. (erkak), jami 2 nafar koronavirusga chalingan bemor vafot etdi.

E’tiborli jihati, bugun ayni paytga qadar Toshkent shahrida 346 nafar, Toshkent viloyatida 256 nafar, Andijon viloyatida 10 nafar, jami 612 nafar bemor tuzaldi. 

Shunday qilib, yurtimizda 27 825 (+612) nafar koronavirus infeksiyasiga chalingan fuqarolar tuzalib, sog‘ayish ko‘rsatkichi 82 foizga yetdi.

Hozirda mamlakatimizda 5 776 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda. 

Sog‘liqni saqlash vazirligi
Jamoatchilik bilan aloqalar bo‘limi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

XTV: “Maktab formasini xarid qilish uchun hali erta” Ayni kunlarda karantin cheklovlari yumshatilgani sabab aksariyat ota-onalar yangi o‘quv yili uchun o‘quv qurollari hamda maktab formasini xarid qilish harakatiga tushib qoldi. Xalq ta’limi vazirligi maktab formasi va o‘quv qurollarini xarid qilish uchun hali vaqt borligini aytdi va bozorlarga chiqishdan fuqarolarni qaytardi,  deb yozmoqda "Qalampir.uz" nashri. “Ota-onalarimizdan, bozor va do‘konlar ochilgani bilan, sanitariya qoidalari va ijtimoiy masofa saqlashlari, ayniqsa, farzandlari sog‘ligiga alohida e’tibor qaratishlarini so‘raymiz. Hozir hamma baravar bozorga borsa ijtimoiy masofa saqlash qiyin bo‘ladi, shuning uchun juda shoshilish, barcha xaridlarni maktabgacha amalga oshirish shart emas. O‘quv qurollari va kiyim-kechaklarni maktab boshlanganidan keyin ham olib berish mumkin”, deyiladi vazirlikning xabarida. Hozirda o‘quv yilini boshlash yuzasidan mutasaddi vazirlik va idoralarga taklif kiritish bo‘yicha topshiriq berilgan. Davlat umumta’lim maktablari bo‘yicha O‘zbekistonga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash bo‘yicha respublika maxsus komissiyasi qarori yaqin kunlarda e’lon qilinadi. Avvalroq, Xalq ta’limi vazirligi o‘z vakolatidan kelib chiqib, o‘quv yilini boshlash bo‘yicha uchta ssenariyni taklif qilgani haqida xabar bergan edik. Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Fikr qoldiring