O`zbekistonda Prezident saylovi sanasi ma`lum qilindi

O`zbekistonda navbatdagi prezident saylovlari 2021 yil 24 oktyabrda bo`lib o`tadi. Bu haqda seshanba kuni TASSga O`zbekiston parlamenti Qonunchilik (quyi) palatasi birinchi vise-spikeri Akmal Saidov ma`lum qilgan.

"Qonunchilik palatasi tomonidan tayyorlangan qonun loyihasiga muvofiq respublikada navbatdagi prezidentlik saylovlari 2021 yil dekabr oyining uchinchi o`n kunligining birinchi yakshanbasida emas, balki shu yilning 24 oktyabrida bo`lib o`tadi", - degan Saidov..

O`tgan hafta O`zbekiston parlamentining quyi palatasi qonun loyihasini ko`rib chiqdi va birinchi o`qishda qabul qildi, unga ko`ra respublikada navbatdagi prezident saylovlari 2021 yil dekabr oyining uchinchi o`n kunligining birinchi yakshanbasida kutilganidek emas, balki ikkita oy oldin bo`lib o`tadi. Tushuntirilishicha, bu saylovdan keyingi siyosiy voqealar kechiktirilmasligi uchun qilingan. Ushbu qonun loyihasiga binoan respublikada xalq deputatlari tuman (shahar) kengashiga (kengashlariga) saylovlarni o`tkazadigan okrug saylov komissiyalari instituti tugatiladi, ularning vakolatlari tuman (shahar) saylov komissiyalariga o`tkaziladi. Hujjatga muvofiq, saylov komissiyalari nomzodlarning saylovchilar bilan uchrashuvlarini tashkil etish majburiyatini olmaydi. Shuningdek, saylov komissiyalari qarorlari ustidan shikoyat qilish muddatini 10 kundan besh kungacha qisqartirish taklif qilindi.

Реклама на Unews

Eslatib o`tamiz, Birinchi Prezident Islom Karimovning vafoti munosabati bilan O`zbekiston rahbari uchun avvalgi saylovlar 2016 yil 4 dekabrda muddatidan oldin o`tkazilgan edi. Ularda respublikadagi mavjud to`rtta siyosiy partiyalardan nomzodlar ishtirok etishdi. Ularni O`zbekiston Liberal-Demokratik partiyasi tomonidan ko`rsatilgan Shavkat Mirziyoev birinchi bosqichda 88,61 foiz natija bilan g`alaba qozongan. O`zbekiston Prezidentining vakolat muddati besh yil.

Eng qaynoq xabarlar bilan TELEGRAM kanalda birinchilarda xabardor bo'ling.


Fikr qoldiring