BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

O‘zbekistonda o‘quvchilarning so‘nggi 6 yildagi baholari OTMga kirish imtihonlarida inobatga olinadi

Shavkat Mirziyoyevning 6 noyabr kuni qabul qilingan «O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida»gi farmoniga ko‘ra, OTMga kirish imtihonlarida maktab o‘quvchilarining so‘nggi 6 yildagi ko‘rsatkichi inobatga olinadi. Bu haqda DTM direktori o‘zining Telegram kanalida ma’lum qildi,  deb yozmoqda "teznews.uz" nashri.
Farmonga muvofiq, 2020/2023 o‘quv yilidan boshlab umumiy o‘rta, o‘rta maxsus ta’lim muassasalari va kasb-hunar maktablari bitiruvchilarining shahodatnomasiga majburiy 11 yillik ta’limning so‘nggi 6 yillik baholari o‘rtacha ko‘rsatkichi kiritiladi va ushbu ko‘rsatkich oliy ta’lim muassasasiga kirish imtihonlarida inobatga olinadi.

Mavzuga doir: O‘zbekistonda OTMga kirishdagi test sinovlari mazmuni maktab dasturlariga moslashtiriladi

Bunda, 2022/2023 o‘quv yiliga qadar Xalq ta’limi vazirligi tomonidan Axborot texnologiyalari va kommunikatsiyalarini rivojlantirish vazirligi hamda mahalliy ijroiya hokimiyati organlari bilan birgalikda o‘quvchilar bilimini baholash jarayonini raqamlashtirish va shaffofligini ta’minlash maqsadida barcha umumta’lim muassasalarida «Elektron kundalik» dasturi joriy etiladi.

Ta’kidlanishicha, umumiy o‘rta, o‘rta maxsus ta’lim muassasalari va kasb-hunar maktablari bitiruvchilarining baholarini oliygohga kirish imtihonlarida inobatga olish tartibi 2021 yil 1 iyunga qadar Davlat test markazi tomonidan Ta’lim sifatini nazorat qilish davlat inspeksiyasi, Oliy va o‘rta maxsus ta’lim vazirligi hamda Xalq ta’limi vazirligi bilan birgalikda ishlab chiqiladi va Vazirlar Mahkamasiga kiritiladi.

Avvalroq xalq ta’limi vaziri Sherzod Shermatov AOKAda o‘tkazilgan matbuot anjumanida O‘zbekistonda OTMga kirish imtihonlarida maktab o‘quvchilarining so‘nggi 6 yildagi ko‘rsatkichi inobatga olinishi haqida ma’lum qilgandi.

Shuningdek, O‘zbekistonda tasviriy san’at bo‘yicha respublika tanlovi g‘oliblari OTMga imtihonsiz davlat granti asosida kirishi bekor qilingani haqida xabar berilgandi.
 
Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Fikr qoldiring