BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

O'zbekistonda COVID-19 vaksina sinovlari boshlanadi!

Yaqin kunlarda O'zbekistonda Xitoy xalq respublikasida ishlab chiqarilgan COVID-19 ga qarshi vaksina sinovi boshlanishi mumkin.

21 chi oktyabrda innavatsion rivojlanish vazirligi va Xitoy fanlar akademiyasi mikrobiologiya instituti hamda Xitoyning Anhui Zhifei Longcom kompaniyasi o'rtasida muzokaralar bo'lib o'tdi.

Sinovlari boshlanishi kutilayotga rekombinat vaksina gen injenerligi yo'li bilan koronavirus virusining yuzaki oqsilidan olingan bo'lib, yuqori xavsizlik ko'rsatkichlariga ega. Bu haqida Vazirlik axborot xizmati xabar bermoqda

O‘zbekistonda aksar o‘lim holatlari qanday kasalliklar hissasiga to‘g‘ri kelishi ma’lum qilindi O‘zbekistonda 78 foiz o‘lim holatlari noinfeksion kasalliklar hissasiga to‘g‘ri keladi. Bu haqda tibbiyot fanlari doktori, professor, Tibbiy xodimlarni kasbiy malakasini rivojlantirish markazining Valeologiya kafedrasi mudiri Shuhrat Irgashev Sog‘liqni saqlash vazirligi matbuot xizmatiga bergan intervyusida ma’lum qildi. «Sog‘lom turmush tarziga amal qilgan insonlar, avvalo, kasal bo‘lmaydi, biron joyi og‘rib qolganda ham tez va oson salomatligini yana qayta tiklab oladi. COVID-19 infeksiyasi keng tarqalgan bugungi tahlikali zamonda ham bu o‘z isbotini topmoqda. Ortiqcha vazn yoki biror yondosh kasalliklari bor, sog‘lig‘iga yetarlicha e’tibor bermaydigan kishilarga virus yuqqanda og‘ir oqibatlarga olib kelgani kuzatilmoqda. Aksincha, immuniteti kuchli, sog‘lom turmush tarziga amal qiluvchi kishilar yoshidan qat’i nazar, virusni tez va oson yengib o‘tmoqda. Shuningdek, birinchi navbatda sog‘lom turmush tarziga amal qilmaslik noinfeksion kasalliklarning paydo bo‘lishiga sabab bo‘ladi. Bular yurak qon-tomir, qandli diabet, onkologik, nafas yo‘llari xastaligi kabi kasalliklar bo‘lib, O‘zbekistonda 78 foiz o‘lim holatlari ayni shu xastaliklar bilan bog‘liq», – deydi Shuhrat Irgashev Yuqumli bo‘lmagan xastaliklarga chalinmaslik uchun nima qilish kerak, degan savolga professor, birinchi navbatda to‘g‘ri hayot tarzini yo‘lga qo‘yish talab etilishini ta’kidlagan. U quyidagilarni sog‘lom turmush tarziga amal qilishning 4 asosiy yo‘li mavjudligini aytib o‘tgan. Bular: - to‘g‘ri ovqatlanish; - jismoniy faollik; - ruhiy salomatlik; - zararli odatlardan voz kechish. «Bugungi kunda mamlakatimizda sog‘lom turmush tarzining mana shu to‘rt qoidasiga amal qilishni aholining odatiga, kundalik turmush tarziga aylantirish ishlari jadal ravishda olib borilmoqda. Ammo bunga faqatgina targ‘ibot-tashviqot ishlari yoki bir ikkita tadbir o‘tkazish bilangina erishib bo‘lmasligi aniq. Bu borada aniq bir mexanizm, uzoq muddatli tizimni yo‘lga qo‘yishimiz zarur», – deydi professor.
Koronavirusning eng xavfli jihati ma’lum qilindi! Yangi turdagi koronavirus SARS-CoV-2’ning eng xavfli jihati uning yuqori darajada yuquvchanligi hisoblanadi. Bu haqda xitoylik virusolog, professor Chjun Nanshan ma’lum qildi, deb xabar berdi “Xuansyuvan” portali. Professorning ta’kidlashicha, SARS-CoV-2 mavsumiy gripp, ORVI (o‘tkir respirator virusli infeksiya) yoki MERS koronavirusidan tezroq va osonroq yuqadi. Shu sababli bu infeksiyaga qarshi kurashish uchun 4 ta komponent: erta himoya, infeksiyani erta aniqlash, erta tashxis va erta izolyatsiya zarur. Erta himoya ostida niqob va qo‘lqoplar taqib yurish, qo‘llarni tez-tez yuvish va ijtimoiy masofaga rioya qilish ko‘zda tutiladi. Bu choralar insonni himoyalaydi, chunki koronavirus bevosita aloqalar yoki yuzalar orqali yuqadi. Koronavirusni erta aniqlash uchun gavjum joylarda tana haroratini o‘lchash zarur. Shuningdek, shubhali alomatlar paydo bo‘lganda darhol shifokorlarga murojaat qilish kerak. Bunday alomatlarga o‘zini yomon his qilish, tana harorati ko‘tarilishi, quruq yo‘tal va noodatiy toliqish kiradi. Erta tashxis shifoxonalarda koronavirusga chalinganlarni boshqa bemorlar bilan aralashtirib yubormaslik imkonini beradi. Mutaxassisning aytishicha, buning uchun ambulator sharoitlarda ko‘rik o‘tkazish lozim. O‘z navbatida, erta izolyatsiyalash kasallangan odamning sog‘lom odamlar bilan aloqalarini minimallashtiradi. Avvalroq amerikalik olimlar SARS-CoV-2’ning o‘ta yuquvchanligi sababini aniqlashganini ma’lum qilishgandi. Ularning ta’kidlashicha, yangi turdagi koronavirus boshqa koronaviruslar: atipik zotiljam keltirib chiqaruvchi SARS-CoV-1 va inson uchun xavfsiz HCoV-HKU1’ning genomlarini o‘zida mujassamlagan. Atipik zotiljam virusi uncha yuqumli bo‘lmay, biroq undan o‘lish darajasi yuqori. HCoV-HKU1, aksincha, o‘ta yuqumli bo‘lib, biroq deyarli bezarar hisoblanadi.

Fikr qoldiring