O‘zbekiston Hindiston bilan hamkorlikda koronavirus vaksinasini yaratishi mumkin
27-yanvar kuni O‘zbekistonning Hindistondagi elchisi Dilshod Axatov Hindiston Kimyo sanoati, o‘g‘itlar va farmatsevtika davlat vaziri Mansux Mandaviya bilan uchrashdi, deb yozmoqda "Xabar.uz" nashri.
Uchrashuvda koronavirus pandemiyasi davrida O‘zbekiston va Hindiston tibbiyot va farmatsevtika muassasalari o‘rtasida yo‘lga qo‘yilgan samarali hamkorlik aloqalari e’tirof etildi.
Hindistondagi vaksina ishlab chiqarish bo‘yicha mavjud ulkan salohiyatni nazarda tutgan holda, ikki mamlakat tegishli muassasalari o‘rtasida koronavirusga qarshi vaksina ishlab chiqarish masalalari muhokama qilindi. Bu borada yetakchi hind kompaniyalari hamkorlikka tayyor ekanligi ta’kidlandi.
Реклама на Unews
Shuningdek, farmatsevtika sohasida amalga oshirilayotgan qo‘shma loyihalar holati va istiqboldagi rejalar ham tahlil qilindi.
Eng qaynoq xabarlar bilan TELEGRAM kanalda birinchilarda xabardor bo'ling.
