O‘zbekiston futzalchilari Braziliyaga qarshi o‘ynaydi
Futzal bo‘yicha O‘zbekiston milliy terma jamoasi 27 yanvar kuni Toshkent shahrida o‘quv-mashg‘ulotlarini boshlaydi. Bahodir Ahmedov boshchiligidagi jamoa yig‘inning ikkinchi qismini Belarusda davom ettiradi.
Belarusdagi yig‘in doirasida o‘zbekistonlik futzalchilar 4-5 fevral kunlari Belarus futzal terma jamoasiga qarshi o‘rtoqlik uchrashuvlarida maydonga tushadi. Bahslarga Mogilyov va Minsk shaharlari mezbonlik qiladi. Shuningdek, mart oyida O‘zbekiston terma jamoasi Braziliyaga qarshi o‘rtoqlik o‘yinida qatnashishi rejalashtirilgan.
Eslatib o‘tamiz, bungacha Bahodir Ahmedov shogirdlari Marokashning Rabot shahrida yig‘in o‘tkazib, mezbon futzalchilarga qarshi bahsda imkoniyatni boy bergandi.
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
